________________
३३३
परिसिट्ठाणि कदि च उवजोगा त्ति । एकम्मि णेरइयभवग्गहणे कोहोवजोगा संखेजा वा असंखेजा वा। 'माणोवजोगा संखेन्जा वा असंखेज्जा वा। एव सेसाणं पि। 'एवं सेसासु वि गदीसु।
णिरयगदीए जम्हि कोहोवजोगा संखेज्जा तम्हि माणोवजोगाणियमा संखेज्जा। एवं माया-लोभोवजोगा। जम्हि माणोवजोगा संखेज्जा तम्हि कोहोवजोगा संखेज्जा वा असंखेज्जा वा । मायोवजोगा लोहोवजोगा णियमा संखेज्जा । जम्हि मायोवजोगा संखेज्जा तम्हि कोहोवजोगा माणोवजोगा संखेज्जा वा असंखेज्जा वा । लोभोवजोगा णियमा संखेज्जा। जत्थ लोभोवजोगा संखेज्जा तत्थ कोहोवजोगा माणोवजोगा मायोवजोगा भजियव्वा । जत्थ णिरयभवग्गहणे कोहोवजोगा असंखेज्जा तत्थ सेसा सिया संखेज्जा सिया असंखेज्जा । जत्थ माणोवजोगा असंखेज्जा तत्थ कोहोवजोगा णियमा असंखेज्जा। सेसा भजियव्वा । जत्थ मायोवजोगा असंखेज्जा तत्थ कोहोवजोगा माणोवजोगा णियमा असंखेज्जा । 'लोभोवजोगा भजियव्वा । जत्थ लोहोवजोगा असंखेज्जा तत्थ कोह-माण-मायोवजोगा णियमा असंखेज्जा।
जहा रइयाणं कोहोवजोगाणं वियप्पा तहा देवाणं लोभोवजोगाणं वियप्पा । जहा रइयाणं माणोवजोगाणं वियप्पा तहा देवाणं मायोवजोगाणं वियप्पा । जहा णेरइयाणं मायोवजोगाणं वियप्पा तहा देवाणं माणोवजोगाणं वियप्पा । जहा जेरइयाणं लोभोवजोगाणं वियप्पा तहा देवाणं कोहोवजोगाणं वियप्पा ।
__ जेसु णेरइयभवेसु असंखेज्जा कोहोवजोगा माण-माया-लोभोव जोगा वा जेसु वा संखेज्जा एदेसिमट्ठण्डं पदाणमप्पाबहुअं । तत्थ उवसंदरिसणाए करणं । एक्कम्हि वस्से जत्तियाओ कोहोवजोगद्धाओ तत्तिएण जहण्णासंखेज्जयस्स भागोजं भागलद्धमेत्तियाणि वस्साणि जो भवो तम्हि असंखेज्जाओ कोहोवजोगद्धाओ।
"एवं माण-माया-लोभोवजोगाणं । "एदेण कारणेण जे असंखेन्जलोभोवजोगिगा भवा ते भवा थोवा । 'जे असंखेज्जमायोवजोगिगा भवा ते भवा असंखेज्जगुणा । जे असंखेज्जमाणोवजोगिगा भवा ते भवा असंखेज्जगुणा । जे असंखेज्जकोहोवजोगिगा भवा ते भवा असंखेज्जगुणा । जे संखेज्जकोहोवजोगिगा भवा ते भवा असंखेज्जगुणा ।
जे संखेज्जमाणोवजोगिगा भवा ते भवा विसेसाहिया ।जे संखेज्जमायोवजोगिगा भवा ते भवा विसेसाहिया।" जे संखेज्जलोभोवजोगिगा भवा ते भवा विसेसाहिया ।
(१) पृ. ४४ । (२) पृ. ४५ । (३) पृ. ४६ । (४) पृ. ४७ । (५) पृ. ४८ । (६) पृ. ४९ । (७) पृ. ५०। (८) पृ. ५१ । (९) पृ. ५२ । (१०) पृ. ५३ । (११) पृ. ५५ । (१२) पृ. ५६ । (१३) पृ. ५८ । (१४) पृ. ५९।।
