Page Text
________________ આગમસૂત્ર 8, અંગસૂત્ર 8 અંતકૃત-દશાંગ સૂત્ર વર્ગ-૧ સૂત્ર-૨૩ થી 25 23. ભંતે ! જો શ્રમણ યાવત્ સિદ્ધિપ્રાપ્ત ભગવંતે પાંચમા વર્ગનો આ અર્થ કહ્યો છે, તો ભગવંત મહાવીર છઠા વર્ગનો શો અર્થ કહ્યો છે ? હે જબ્બ ! ભગવંતે છઠા વર્ગના સોળ અધ્યયનો કહેલા, તે આ પ્રમાણે - 24. મંકાતિ, કિંકમ, મુદ્ગરપાણિ, કાશ્યપ, ક્ષેમક, ધુતિધર, કૈલાસ, હરિચંદન. તથા૨૫. વારત્ત, સુદર્શન, પૂર્ણભદ્ર, સુમનભદ્ર, સુપ્રતિષ્ઠ, મેઘ, અતિમુક્ત અને અલક્ષ. આ સોળ અધ્યયનો છે. વર્ગ-૬, અધ્યયન-૧, 2 સૂત્ર-૨૬ ભંતે! જો શ્રમણ યાવતુ સિદ્ધિપ્રાપ્ત ભગવંતે છઠ્ઠા વર્ગના સોળ અધ્યયનો કહ્યા છે, તો છઠ્ઠા વર્ગના પહેલા અધ્યયનનો શો અર્થ કહ્યો છે? નિ હે જંબૂ ! તે કાળે, તે સમયે રાજગૃહ નામે નગર હતું. ત્યાં ગુણશીલ ચૈત્ય હતું. શ્રેણિક નામે રાજા હતો, ચેલણા નામે રાણી હતી. મંકાતી નામે ગાથાપતિ વસતો હતો, તે ધનાઢ્ય યાવતુ અપરિભૂત હતો. તે કાળે, તે સમયે આદિકર શ્રમણ ભગવંત મહાવીર ગુણશીલ ચૈત્યે યાવત્ વિચરતા હતા. પર્ષદા નીકળી. ત્યારે તે મંકાતી ગાથાપતિએ આ વૃત્તાંત પ્રાપ્ત થતા,તે મંકાતિ પણ નીકળ્યો, તેનું સર્વ વર્ણન ભગવતી સૂત્રોક્ત ગંગદત્ત માફક કહેવું, તેની જેમ જ મંકાતીએ મોટા પુત્રને કુટુંબમાં સ્થાપી, સહસ્રપુરુષવાહિની શિબિકામાં નીકળ્યો યાવત્ ઇર્યાસમિત આદિ અણગાર થયા. ત્યારપછી મંકાતી અણગાર, શ્રમણ ભગવંત મહાવીરના તથારૂપ સ્થવિરો પાસે સામાયિક આદિ અગિયાર અંગો ભણ્યા. બાકી બધું કુંદક માફક જાણવું. ગુણરત્ન સંવત્સર તપ કર્યો. તેને સોળ વર્ષનો સંયમ પર્યાય પાલન કર્યો. તેમની જેમ જ વિપુલ પર્વતે સિદ્ધ થયા. આ પ્રમાણે હે જંબૂ! શ્રમણ ભગવંતે અંતકૃદ્દશાના છઠા વર્ગના પહેલા અધ્યયનનો આ અર્થ કહ્યો છે. બીજું અધ્યયન પણ પહેલા મુજબ જ જાણવું. કિંકર્મ પણ યાવત્ એ રીતે જ વિપુલ પર્વતે સિદ્ધ થયા. વર્ગ-૬, અધ્યયન-૩ સૂત્ર-૨૭ તે કાળે, તે સમયે રાજગૃહ નામે નગર હતું. ત્યાં ગુણશીલ ચૈત્ય હતું. શ્રેણિક નામે રાજા હતો, ચેલ્લણા નામે રાણી હતી. રાજગૃહમાં અર્જુન માલાકાર રહેતો હતો, તે ધનાઢ્ય યાવત્ અપરિભૂત હતો. તે અર્જુન માલાકારને બંધુમતી નામે સુકુમાર પત્ની હતી. તે અર્જુનને રાજગૃહ બહાર એક મોટું પુષ્પ-ઉદ્યાન હતું. તે કૃષ્ણ યાવત્ મેઘ સમૂહવત્ હતું. પંચવર્ણી પુષ્પોથી કુસુમિત, પ્રાસાદીયાદિ હતું. તે પુષ્પ ઉદ્યાનથી થોડે દૂર, તે અર્જુનમાળીના બાપ, દાદા, પરદાદાના પર્યાયથી આવેલ અનેક કુલ પુરુષની પરંપરાથી આવેલ મુદ્ગરપાણિ યક્ષનું યક્ષાયતન હતું. તે જૂનું અને દિવ્ય અને સત્ય પ્રભાવવાળું હતું. ત્યાં હાથમાં એક મોટો હજાર પલનો લોહમય મુદ્ગર લઈને મુનિ દીપરત્નસાગર કૃત્ “(અંતકૃત્ દશા)” આગમસૂત્ર ભાવાનુવાદ Page 21
| SR No. | 035609 |
| Book Title | Agam 08 Antkruddasha Gujarati Translation |
| Original Sutra Author | N/A |
| Author | Dipratnasagar, Deepratnasagar |
| Publisher | Dipratnasagar, Deepratnasagar |
| Publication Year | 2020 |
| Total Pages | 40 |
| Language | Gujarati |
| Classification | Book_Devnagari, Book_Gujarati, & agam_antkrutdasha |
| File Size | 2 MB |