Page Text
________________ આગમસૂત્ર 7, અંગસૂત્ર 7 ઉપાસકદશાંગ સૂત્ર સૂત્ર-૪૫ ત્યારે તે આજીવિકોપાસક સદ્દાલપુત્રે, શ્રમણ ભગવંત મહાવીર પાસે ધર્મ સાંભળી, સમજી હર્ષિત-સંતુષ્ટ યાવત્ હૃદયી થઈ આનંદ માફક ગૃહીધર્મ સ્વીકાર્યો. વિશેષ એ કે - એક હિરણ્ય કોડી નિધાનમાં-એક હિરણ્ય કોડી વ્યાજમાં-એક હિરણ્ય કોડી પથરાયેલ તથા એક ગોકુળ, યાવત્ શ્રમણ ભગવંત મહાવીરને વાંદી-નમીને જ્યાં પોલાસપુર નગર છે, ત્યાં આવ્યો. આવીને પોલાસપુરની મધ્યે થઈને પોતાના ઘેર, અગ્નિમિત્રા પત્ની પાસે આવ્યો. તેણીને કહ્યું કે - હે દેવાનુપ્રિય ! શ્રમણ ભગવંત મહાવીર યાવત્ પધાર્યા છે, તો તું જા, ભગવંતને વાંદી યાવત્ પર્યુપાસના કર. ભગવંત પાસે પાંચ અણુવ્રત, સાત શિક્ષાવ્રતયુક્ત બાર ભેદે ગૃહીધર્મ સ્વીકાર. ત્યારે અગ્નિમિત્રાએ, સદ્દાલપુત્ર શ્રાવકને તહત્તિ કહી આ અર્થને વિનયપૂર્વક સ્વીકાર્યો. પછી સદ્દાલપુત્ર શ્રાવકે કૌટુંબિક પુરુષોને બોલાવીને કહ્યું - ઓ દેવાનુપ્રિયો ! લઘુકરણયુક્ત જોડેલ(તીવ્ર ગતિવાળા યાવત ધાર્મિક યાનપ્રવર રથને તૈયાર કર.), સમાન ખુરવાળા, સમાન તિક્ષ્ણ શીંગડાવાળા, સુવર્ણના કલાપથી મઢેલા એવા પ્રતિ વિશિષ્ટ શીંગડા યુક્ત, રજતમય ઘંટ બાંધેલ, સુતરના દોરડા વડે શ્રેષ્ઠ સુવર્ણયુક્ત નાથ સંબંધી રાશ વડે બાંધેલ, કાળા કમળના છોગાવાળા, શ્રેષ્ઠ યુવાન બળદો વડે યુક્ત, અનેક મણિ-કનક-ઘંટિકા-જાલ યુક્ત, સુજાત-યુગયુક્ત-ઋજુપ્રશસ્ત-સુવિરચિત-નિર્મિત પ્રવર લક્ષણ યુક્ત ધાર્મિક યાનપ્રવર હાજર કરો, કરીને મારી આ આજ્ઞા પાછી સોંપો. ત્યારે કૌટુંબિક પુરુષોએ યાવત્ આજ્ઞા પાછી સોંપી. ત્યારપછી તે અગ્નિમિત્રા ભાર્યા, સ્નાન કરી યાવત્ કૌતુક મંગલ પ્રાયશ્ચિત્ત કરી, શુદ્ધ પ્રાવેશ્ય(પ્રવેશને યોગ્ય માંગલિક વસ્ત્ર) યાવત્ અલ્પ પણ મહાઈ(મહા મૂલ્યવાન) આભરણ–અલંકૃત શરીરી થઈ દાસી સમૂહ વડે વીંટળાઈને ધાર્મિક યાન પ્રવરમાં બેઠી, બેસીને પોલાસપુરની મધ્યેથી નીકળી, સહસ્સામ્રવન ઉદ્યાનમાં ભગવંત પાસે આવી. આવીને ત્રણ વખત યાવત્ વંદન-નમન કરીને બહુ દૂર નહીં, તેમ નજીક નહીં એ રીતે યાવત્ અંજલિ જોડીને ઊભી રહીને પર્યુપાસના કરે છે. ત્યારે ભગવંતે, અગ્નિમિત્રા અને તે પર્ષદાને યાવત્ ધર્મ કહ્યો. ત્યારે અગ્નિમિત્રા, ભગવંત પાસે ધર્મ સાંભળીસમજીને હર્ષિત-સંતુષ્ટ થઈને, ભગવંતને વાંદી-નમીને બોલી - હું નિર્ચન્જ પ્રવચનની શ્રદ્ધા કરું છું યાવતુ જે આપ કહો છો તે સત્ય છે. જેમ આપની પાસે ઘણા ઉગ્ર કુળના, ભોગ કુળના પુરુષો યાવત્ પ્રવ્રજિત થયા, તેમ હું આપની પાસે મુંડ થઈને યાવત્ દીક્ષા લેવા સમર્થ નથી, પણ આપની પાસે પાંચ અણુવ્રત, સાત શિક્ષાવ્રત યુક્ત બાર ભેદે ગૃહસ્થ ધર્મ અંગીકાર કરીશ. ભગવંતે કહ્યું- જેમ સુખ ઉપજે તેમ કરો, પ્રતિબંધ ન કરો.” ત્યારે અગ્નિમિત્રાએ, ભગવંત પાસે બાર ભેદે શ્રાવક ધર્મ સ્વીકારીને, ભગવંતને વંદન-નમન કરી, તે જ ધાર્મિક યાનપ્રવરમાં આરૂઢ થઈને, જે દિશાથી આવેલી, તે દિશામાં પાછી ગઈ. ત્યારપછી ભગવંત મહાવીરે પણ કોઈ દિવસે પોલાસપુર નગરના સહસામ્રવનથી નીકળી, બાહ્ય જનપદમાં વિહાર કર્યો. સૂત્ર-૪૬ ત્યારપછી તે સદ્દાલપુત્ર, શ્રમણોપાસક થયો, જીવાજીવનો જ્ઞાતા થઈ યાવત્ વિચરે છે. ત્યારે ગોશાલક મંખલિપુત્રએ આ વાતને જાણી કે - સદ્દાલપુત્રે આજીવિક સિદ્ધાંતને છોડીને શ્રમણ નિર્ચન્થોની દૃષ્ટિ સ્વીકારી છે. તો આજે હું જઉં અને સદ્દાલપુત્રને નિર્ચન્થોની દૃષ્ટિ છોડાવી ફરી આજીવિક દૃષ્ટિનો સ્વીકાર કરાવું. મુનિ દીપરત્નસાગર કૃત્ “(ઉપાસકદશા)” આગમસૂત્ર ભાવાનુવાદ Page 25
| SR No. | 035608 |
| Book Title | Agam 07 Upasakdasha Gujarati Translation |
| Original Sutra Author | N/A |
| Author | Dipratnasagar, Deepratnasagar |
| Publisher | Dipratnasagar, Deepratnasagar |
| Publication Year | 2020 |
| Total Pages | 40 |
| Language | Gujarati |
| Classification | Book_Devnagari, Book_Gujarati, & agam_upasakdasha |
| File Size | 3 MB |