Agam 07 Upasakdasha Gujarati Translation

SR No.: 035608
Original Sutra Author: N/A
Author: Dipratnasagar, Deepratnasagar
Publisher: Dipratnasagar, Deepratnasagar
Publication Year: 2020
Total Pages: 40
Language: Gujarati
Classification: Book_Devnagari, Book_Gujarati, & agam_upasakdasha
File Size: 3 MB

Page 18

આગમસૂત્ર 7, અંગસૂત્ર 7 ઉપાસકદશાંગ સૂત્ર આગળ ઘાત કર્યો ઇત્યાદિ જેમ દેવે કહ્યું તે ચિંતવે છે, યાવત્ શરીર છાંટ્યા. જેણે મારા વચલા પુત્રને મારા ઘરથી લાવી યાવતું લોહી છાંટ્યુ, જેણે મારા નાના પુત્રને મારા ઘેરથી લાવી પૂર્વવત્ યાવત્ છાંટ્યા. જે મારી આ માતા, દેવગુરુ-જનની દુષ્કર-દુષ્કરકારિકા ભદ્રા સાર્થવાહી છે, તેને પણ મારા ઘરમાંથી લાવી મારી પાસે ઘાત કરવા ઇચ્છે છે, તો મારે ઉચિત છે કે - આ પુરુષને પકડવો, એમ વિચારી તે દોડડ્યો, દેવ આકાશમાં ઊડી ગયો. ચુલનીપિતાએ ઘરનો સ્તંભ પકડી લીધો અને મોટા મોટા શબ્દોથી કોલાહલ કરવા લાગ્યો. ત્યારે ભદ્રા સાર્થવાહી આ કોલાહલ શબ્દ સાંભળીને ત્યાં આવ્યા, આવીને ચુલનીપિતા શ્રાવકને કહ્યું - હે પુત્ર! તેં મોટા-મોટા શબ્દોથી કોલાહલ કેમ કર્યો ? ત્યારે ચુલનીપિતાએ માતા ભદ્રાને કહ્યું - હે માતા ! હું જાણતો નથી, પણ કોઈ પુરુષે ક્રોધિત થઈ, એક મોટી નીલકમલ-વર્ણ યાવત્ તલવાર લઈને મને કહ્યું કે - ઓ અપ્રાર્થિતના પ્રાર્થિત ચુલનીપિતા! જો તું વ્રત આદિ નહી છોડે તો ઇત્યાદિ પૂર્વવત જાણવું. તે પુરુષે આવું કહ્યું તો પણ હું નિર્ભય થઈને રહ્યો. ત્યારે તેણે મને નિર્ભય યાવત્ રહેલો જાણીને મને બીજી-ત્રીજી વખત કહ્યું કે - ઓ ચુલનીપિતા ! આદિ યાવત્ લોહી માંસ તારા શરીર છાંટીશ. ત્યારે મેં ઉજ્જવલ વેદના યાવત્ સહી, ઇત્યાદિ બધું પૂર્વવત્ કહેવું. ત્યારપછી તે પુરુષે મને નિર્ભય યાવત્ ધર્મધ્યાનમાં લીન જોઈને ચોથી વખત કહ્યું કે - ઓ ચુલનીપિતા! યાવત્ વ્રત ભંગ નહીં કરે, તો આજે તારી આ માતાને પણ મારી નાખીને વગેરે પૂર્વે કહ્યા મુજબ જાણવું. ત્યારે તે પુરુષે મને નિર્ભય રહેલ જાણીને, બીજી-ત્રીજી વખત કહ્યું - ઓ ચુલનીપિતા ! આજે યાવત્ તું મરીશ. ત્યારે મને આવો સંકલ્પ થયો કે - અહો ! આ પુરુષ અનાર્ય છે યાવત્ અનાર્ય આચરણ કરે છે. ઇત્યાદિ પૂર્વવત્, તો મારે આ પુરુષને પકડવો, એમ વિચારી હું દોડ્યો. તે આકાશમાં ઊડી ગયો. મેં આ થાંભલો પકડી લીધો અને મોટા-મોટા શબ્દોથી કોલાહલ કર્યો. ત્યારે ભદ્રા સાર્થવાહીએ ચુલનીપિતાને કહ્યું - કોઈ પુરુષે તારા નાના પુત્રોનો ઘાત કર્યો નથી. તને આ કોઈ પુરુષે ઉપસર્ગ કર્યો છે. આ તે બિહામણુ દૃશ્ય જોયું છે, તેથી તું હાલ ભગ્નવ્રત, ભગ્નનિયમ, ભગ્ન પૌષધવાળો થઈને વિચરે છે. તો હે પુત્ર ! તું આ સ્થાનની આલોચના કર યાવતુ પ્રાયશ્ચિત્ત સ્વીકાર. ત્યારે તે ચુલનીપિતા શ્રાવકે ભદ્રા માતાની આ વાત વિનયપૂર્વક તહત્તિ' કહીને સ્વીકારી અને તે સ્થાનની આલોચના યાવત્ પ્રાયશ્ચિત્ત કર્યું. 31. ત્યારપછી ચુલનીપિતા શ્રાવક પહેલી ઉપાસક પ્રતિમા સ્વીકારીને વિચરે છે, પહેલી ઉપાસક પ્રતિમાને સૂત્ર અનુસાર, આચાર મુજબ, વિધિ પ્રમાણે આદિ આનંદ શ્રાવકની માફક પાળતા યાવત્ અગિયારે ઉપાસક પ્રતિમા આરાધી. ત્યારપછી તે ચુલનીપિતા શ્રાવક ઉદાર તપ વડે કૃશ થઇ ગયો અને કામદેવ શ્રાવક માફક સૌધર્મકલ્પ, સૌધર્માવતંસક મહાવિમાનની પૂર્વ દિશામાં અરુણપ્રભ વિમાનમાં દેવપણે ઉત્પન્ન થયો. ત્યાં ચાર પલ્યોપમ સ્થિતિ કહી છે યાવત તે મહાવિદેહ ક્ષેત્રમાં જન્મ ગ્રહણ કરી મોક્ષે જશે. - અધ્યયન-૩ નો મુનિ દીપરત્નસાગરે કરેલ ગુજરાતી અનુવાદ પૂર્ણ મુનિ દીપરત્નસાગર કૃત્ “(ઉપાસકદશા” આગમસૂત્ર ભાવાનુવાદ Page 18