Page Text
________________ આગમસૂત્ર 6, અંગસૂત્ર 6 જ્ઞાતાધર્મકથાંગસૂત્ર મશક લઈ આચમન કર્યું, તાલોદ્ઘાટની વિદ્યાનું આહ્વાન કરી રાજગૃહના દ્વારના કમાડે પાણી છાંટ્યુ. કમાડ ઉઘાડ્યા. ઉઘાડીને રાજગૃહીમાં પ્રવેશ્યો. પછી મોટા-મોટા શબ્દોથી ઉદ્ઘોષણા કરતા કહ્યું - હે દેવાનુપ્રિયો ! હું ચિલાત નામે ચોર સેનાપતિ 500 ચોરો સાથે સિંહગુફા-ચોરપલ્લીથી અહીં ધન્ય સાર્થવાહનું ઘર ભાંગવા શીધ્ર આવેલ છું. તે જે નવી માતાનું દૂધ પીવા ઇચ્છતો હોય તે મારી સામે આવે. આ પ્રમાણે કહીને ધન્ય સાર્થવાહના ઘરમાં આવ્યો. ઘર ઉઘાડ્યું. ત્યારે તે ધન્યએ 500 ચોરો સાથે ચિલાત ચોર સેનાપતિને ઘરને ભાંગવા આવતો જોયો. જોઈને ભયભીત-ત્રસિતાદિ થઈને પાંચ પુત્રો સાથે એકાંતમાં ચાલ્યો. ગયો. ત્યારે ચિલાતે ધન્ય સાર્થવાહનું ઘર ભાંગ્યુ, ઘણું ધન-સુવર્ણ યાવત્ સારભૂત દ્રવ્ય અને સુંસુમાં કન્યાને લઈને, રાજગૃહથી નીકળી, પલ્લી તરફ ચાલ્યો. સૂત્ર-૨૧૧, 212 211. ત્યારપછી તે ધન્ય સાર્થવાહ, પોતાના ઘેર આવ્યો. પછી ઘણુ જ ધન-કનક અને સંસુમાં પુત્રીનું અપહરણ થયું જાણીને મહાર્થ પ્રાભૃત લઈને નગરરક્ષક પાસે ગયો, તે મહાર્થ ભેંટણુ યાવતું આપ્યું અને કહ્યું - હે દેવાનુપ્રિય ! ચિલાત ચોર સેનાપતિ, ચોરપલ્લીથી અહીં 500 ચોર સાથે શીધ્ર આવીને મારું ઘર લૂંટી, ઘણું ધનસુવર્ણ અને સુંસુમાં કન્યાને લઈને યાવત્ ચાલ્યો ગયો. હે દેવાનુપ્રિય ! હું સુંસુમાં કન્યાને પાછી લાવવા ઇચ્છું છું. તે વિપુલ ધન-કનક તમારુ, સુંસુમાં પુત્રી મારી. ત્યારે નગરરક્ષકે ધન્યની આ વાત સ્વીકારી. પછી સન્નદ્ધ યાવત્ આયુધ, ઉપકરણ લઈને મોટા-મોટા ઉત્કૃષ્ટ યાવત્ સમુદ્રના સ્વરૂપ અવાજ કરતા. રાજગૃહથી નીકળે છે, ચિલાત ચોર તરફ જાય છે. ચિલાત સાથે યુદ્ધ કરવા લાગ્યા. ત્યારે નગરરક્ષક, ચિલાત ચોર સેનાપતિને હત-મથિત યાવત્ પરાજિત કરી દીધો. ત્યારપછી તે 500 ચોર, નગરરક્ષક વડે હત-મથિત યાવત્ પરાજિત થઈને, તે વિપુલ ધન-કનકને ફેંકીને, ચારે તરફ વિખેરીને, બધી દિશામાં ભાગી ગયા. ત્યારે તે નગર રક્ષક તે વિપુલ ધન-કનક લઈને, રાજગૃહે આવ્યો. ત્યારપછી તે ચિલાત, ચોર સૈન્યને નગરરક્ષક વડે હત-મથિત થયેલ જોઈને યાવત્ ભયભીત-ત્રસ્ત થઈને સંસમાં કન્યાને લઈને એક મોટી અગ્રામિક, લાંબા માર્ગવાળી અટવીમાં પ્રવેશ્યો. ત્યારે ધન્ય સાર્થવાહે, સંસમાં કન્યાને ચિલાત દ્વારા અટવીના મુખમાં લઈ જવાતી જોઈને, પાંચ પુત્રો સાથે, પોતે છઠ્ઠો, સન્નદ્ધ-બદ્ધ થઈને ચિલાતના પાદ માર્ગે જાય છે, ગર્જના-હક્કાર-પુત્કાર-તર્જના-ત્રાસ કરતો કરતો તેની પાછળ જાય છે. ત્યારે ચિલાતે ધન્ય સાર્થવાહને પાંચ પુત્રો સાથે, તે છઠ્ઠો, સન્નદ્વબદ્ધ થઈને પાછળ આવતો જોઈને નિસ્તેજ આદિ થઈ ગયો, જ્યારે સુસુમાનો નિર્વાહ કરવા અસમર્થ થયો, ત્યારે શ્રાંત-તાંત-પરિશ્રાંત થઈને નીલોત્પલ તલવાર કાઢીને સુસુમાનું મસ્તક છેદી નાંખ્યું. તે લઈને, તે અગ્રામિક અટવીમાં પ્રવેશ્યો. પછી તે અગ્રામિક અટવીમાં તરસથી અભિભૂત થઈને દિશાભ્રષ્ટ થઈ ગયો. સિંહગુફા ચોરપલ્લીમાં પહોંચતા પહેલા જ મૃત્યુ પામ્યો. હે આયુષ્યમાન્ ! શ્રમણો ! યાવત્ દીક્ષા લઈને આ ઔદારિક શરીર, જે વમન ઝરતું ચાવત્ વિધ્વંસણ ધર્મના વર્ણ હેતુ યાવત્ આહાર કરે છે. તે આ લોકમાં ઘણા શ્રમણ ચાવતું શ્રાવકથી હેલણા પામી ચાવતુ ચિલાત ચોરની જેમ સંસારમાં ભટકશે. ત્યારપછી ધન્ય સાર્થવાહ, પાંચ પુત્રો સાથે, પોતે છઠ્ઠો ચિલાતની પાછળ દોડતા-દોડતા ભૂખ-તરસથી. શ્રાંત-તાંત-પરિતાંત થઈને, ચિલાત ચોર સેનાપતિને પોતાના હાથે પકડવા સમર્થ ન થયો, ત્યારે ત્યાંથી પાછા ફરી, સુસુમા કન્યાને, ચિલાતે જીવિતથી રહિત કરેલી ત્યાં આવે છે. સંસુમાં પુત્રીને ચિલાતે જીવિતથી રહિત કરેલી જોઈને, કૂહાડાથી કાપેલ ચંપકવૃક્ષની માફક ધડામ કરી પડ્યો. ત્યારપછી તે ધન્ય સાર્થવાહ, પાંચ પુત્રો સહિત પોતે છઠ્ઠો આશ્વસ્ત થયો, આક્રંદન-વિલાપ-કુહકુહ કરતો મોટા-મોટા અવાજે રડવા લાગ્યો, તે ઘણા સમય સુધી આંસુ વહાવવા લાગ્યો. મુનિ દીપરત્નસાગર કૃત્ “(જ્ઞાતાધર્મકથા)” આગમસૂત્ર અનુવાદ Page 127
| SR No. | 035607 |
| Book Title | Agam 06 Gyatadharmkatha Gujarati Translation |
| Original Sutra Author | N/A |
| Author | Dipratnasagar, Deepratnasagar |
| Publisher | Dipratnasagar, Deepratnasagar |
| Publication Year | 2020 |
| Total Pages | 144 |
| Language | Gujarati |
| Classification | Book_Devnagari, Book_Gujarati, & agam_gyatadharmkatha |
| File Size | 4 MB |