________________ આગમસૂત્ર 2, અંગસૂત્ર 2 ‘સૂત્રકૃ’ કોઇપણ વિષયમાં આસક્ત ન રહે. અપ્રતીબદ્ધ વિહારી બને., અભયને કરનારો અને વિષય-કષાય રહિત અકલુષિત આત્મા બને. 409- મુનિ સંયમની રક્ષા કરવા આહાર ગ્રહણ કરે, પાપોને દૂર કરવા પ્રયત્ન કરે. પરિષહ કે ઉપસર્ગનું દુઃખ આવે ત્યારે સંયમને સાચવે, સંગ્રામ-શીર્ષ બની તે સાધુ કર્મરૂપી શત્રુઓનું દમન કરે. 410- પરીષહાદીથી પીડાતા સાધુ બંને બાજુથી છોલાતા પાટિયા માફક રાગદ્વેષ ન કરતા મૃત્યુની પ્રતીક્ષા કરે. આ રીતે કર્મક્ષય કરતા જેમ ધરી તૂટતા ગાડું ન ચાલે, તેમ કર્મો તૂટી જવાથી સાધુ, ફરી સંસારને પ્રાપ્ત કરતા નથી - તેમ હું તમને કહું છું. શ્રુતસ્કંધ-૧, અધ્યયન-૭ કુશીલપરિભાષિત નો ભાવાનુવાદ પૂર્ણ મુનિ દીપરત્નસાગર કૃત્ (સૂત્રકૃત)” આગમસૂત્ર ભાવાનુવાદ Page 40
