________________ આગમસૂત્ર 1, અંગસૂત્ર 1 આચાર’ બીજાની આશાતના ન કરે કે અન્ય પ્રાણ, ભૂત, જીવ, સત્ત્વની આશાતના ન કરે. આ રીતે સ્વયં આશાતના ન કરતા, બીજા પાસે ન કરાવતા તે મુનિ વધ્યમાન પ્રાણી અર્થાત્ વિકલેન્દ્રિય, ભૂત અર્થાત્ વનસ્પતિ, જીવ અર્થાત્ પંચેન્દ્રિય, સત્ત્વ અર્થાત્ એકેન્દ્રિયને માટે અસંદીન અર્થાતુ પાણીની બાધા રહિત દ્વીપ માફક શરણભૂત થાય છે - એ પ્રમાણે તે સંયમમાં સાવધાન રહી, મોક્ષમાર્ગમાં આત્માને સ્થિત કરનાર, રાગ-દ્વેષ રહિત, પરિષહોથી ચલિત ન થઈને, વિહાર ચર્યા કરનાર, સંયામાનુષ્ઠાનમાં વિચરણ કરે. જે મુનિ આ પવિત્ર ધર્મને જાણીને સદનુષ્ઠાન આચરે છે, તે મુક્તિ પામે છે. તે માટે આસક્તિના વિપાકને જુઓ. પરિગ્રહમાં વૃદ્ધ બનેલ મનુષ્યો કામોથી આક્રાન્ત થાય છે. માટે સંયમથી ગભરાવું ન જોઈએ. જે વિવેકહીના તથા હિંસક વૃત્તિવાળા પાપ કર્મોને કરતા ભયભીત થતા નથી, જ્ઞાનીજન તે આરંભોનો સર્વથા ત્યાગ કરે. તે ક્રોધ, માન, માયા, લોભનો ત્યાગ કરીને કર્મબંધનથી મુક્ત થાય છે. તેમ હું કહું છું. સૂત્ર–૨૦૯ દેહનાશના ભય પર વિજય પ્રાપ્ત કરવો એ સંગ્રામશીર્ષ અર્થાત્ કર્મયુદ્ધનો મુખ્ય મોરચો કહ્યો છે. તે શરીર નો ત્યાગ કરનાર મુનિ જ સંસાર પારગામી છે. તે કષ્ટોથી પીડિત થવા છતાં લાકડાના પાટિયાની જેમ અચલ રહે છે. મૃત્યકાળ આવવા પર જ્યાં સુધી જીવ અને શરીર ભિન્ન-ભિન્ન ન થાય ત્યાં સુધી મરણકાળ ની પ્રતીક્ષા કરે. એ પ્રમાણે હું તમને કહું છું. અધ્યયન-૬ “ધૂત'ના ઉદ્દેશક-પ ઉપસર્ગ સન્માન વિધૂનન'નો મુનિ દીપરત્નસાગરે કરેલ અનુવાદ પૂર્ણ આચારાંગ સૂત્ર-શ્રુતસ્કંધ-૧ના અધ્યયન-નો મુનિ દીપરત્નસાગરે કરેલ અનુવાદ પૂર્ણ અધ્યયન-૭ “મહાપરિજ્ઞા” હાલ ઉપલબ્ધ નથી મુનિ દીપરત્નસાગર કૃત “(આચાર)” આગમસૂત્ર ભાવાનુવાદ Page 40
