Jain Mantra Stotra Ane Yantra

SR No.: 035316
Original Sutra Author: N/A
Author: Gunant Barvalia
Publisher: Arham Spiritual Centre
Publication Year: 2020
Total Pages: 152
Language: Gujarati
Classification: Book_Gujarati
File Size: 2 MB

Page 15

વિભિન્ન ઉદ્દેશ્યોથી રચિત આ સ્તોત્રની પવિત્રધારા લોકોના ભાવોની શુદ્ધિ કરી તેમનામાં શ્રદ્ધારૂપ પરિવર્તન લાવવામાં અને આત્મશાંતિની શીતલતા પ્રદાન કરવામાં સમર્થ સિદ્ધ થાય છે. શાંતિ અને મુક્તિ પ્રાપ્ત કરવા માટે ભક્તિ અને સ્તુતિ સબલ સાધન છે.
આમ, શ્રી કલ્યાણમંદિર સ્તોત્ર ભક્તિમય હૃદયભાવોથી યુક્ત રચના છે. આ સ્તોત્ર આધારિત સાહિત્ય પર અભ્યાસ કરતાં પણ અનેક પ્રજ્ઞાવંત સંતો અને સતીજીઓના જ્ઞાનગુણનો અને દર્શનગુણનો પરિચય થાય છે.
આચાર્યશ્રી સિદ્ધસેન દિવાકરે આ સ્તોત્રના એકેક પદમાં એક - એક અક્ષરમાં ગૂઢ રહસ્યો ભરેલાં છે. તે ગૂઢાર્થ જાણવાનો ને અધ્યાત્મસભર ભાવોને જીવનમાં કેળવવાનો પુરુષાર્થ કરી ભૌતિકતામય દૃષ્ટિને આધ્યાત્મિકતા તરફ વાળવાનો સમ્યક્ પુરુષાર્થ પ્રારંભી આપણે પણ મુક્તિના મંગલસ્થાનને સંપ્રાપ્ત કરીએ તે જ શુભભાવના સહ પ્રભુપ્રાર્થના...
(ગચ્છાધિપતિ પૂ. અમીચંદજી મ.સા. ના શિષ્ય પૂજ્ય જયેશમુનિના શિષ્ય પૂ. સુપાર્શ્વચંદ્રજી મ.સા.એ કલ્યાણમંદિર સ્તોત્ર પર શોધનિબંધ લખી મુંબઈ યુનિ.માં Ph.D. કરેલ છે.)
સંદર્ભસૂચિ:
(૧) શ્રી ઉત્તરાધ્યયન સૂત્ર - અધ્યયન ૨ - ગાથા ૩૬/૩૭
(૨) આચાર્ય કુંદકુંદ - સમયસાર, શ્રી પાટની દિ.જૈન ગ્રંથમાલા, મારૌઠ - ૧૯૫૩, ૨/૮૬, પૃ. ૧૫૧
(૩) સર્વાર્થસિદ્ધિ : પં. ફૂલચંદજી સંપાદિત ભારતીય જ્ઞાનપીઠ કાશી, વિ.સં.૨૦૧૨, ૬/
૨૪ ભાષ્ય, પૃ. ૩૩૯
(૪) ‘ભગવતી આરાધના' ૪૬ મી ગાથાની ટીકા, પૃ. ૮૯
(૫) શ્રી જ્ઞાતાધર્મકથા સૂત્ર - અધ્યાય ૮ - પૃ. ૨૧૭
(૬) AUSDER JINSTISCHE STOTRA, Literature - By W. Schubring Preface - P. 1
જ્ઞાનધારા - ૨૦
૨૬
૩
જિનપંજર સ્તોત્રનું માહાત્મ્ય
- પૂ. સાધ્વી મિતલ
જ્ઞાનીઓએ કહ્યું છે કે ધર્મસાધના, ધાર્મિક અને આધ્યાત્મિક અનુષ્ઠાનો માટે શરીર એક માધ્યમ છે. માટે આ સાધના માટે શરીર એક સાધન છે. સાધન સ્વસ્થ હોય તો સાધ્ય ઝડપથી સાધી શકાય છે.
શારીરિક ઉપાધિઓ, રોગનિવારણ માટે અને પીડામુક્તિ માટે માનવો અનેક પ્રકારના ઉપાયો કરે છે. આ ઉપાયોમાં ક્યારેક તે અભક્ષ્ય દવાઓ, બાધા, આખડી, મિથ્યાત્વની પ્રરૂપણા કે આરંભ સમારંભના માર્ગે જઈ શારીરિક અને માનસિક શાતા ઉપજાવવા કર્મબંધન પણ કરી શકે છે.
પ્રબુદ્ધ કરુણાના કરનારા જૈનાચાર્યોએ માનવોને આમાંથી ઉગારવા ભક્તિમાર્ગ, જ્ઞાનમાર્ગ અને તપોમાર્ગની પ્રરૂપણા કરી છે.
પૂ. કમલપ્રભ આચાર્યએ જિનપંજર સ્તોત્રની રચના કરી. આ સ્તોત્ર અને તીર્થંકર નામમંત્રના જાપ દ્વારા આધિ, વ્યાધિ અને ઉપાધિનિવારવાના ઉપાયો દર્શાવ્યા છે.
જૈન મંત્ર, સ્તોત્ર અને યંત્ર
૨૩