________________
भगवं महावीरं वंदइ नमंसइ २ एवं वयासी-तुम्भे गं भंते ! सव्वं जाणह सव्वं पासह (सव्वओ जाणह सव्वओ पासह ) सव्वं कालं जाणह सव्वं कालं पासह सव्वे भावे जाणह सव्वे भावे पासह । जाणंति णं देवाणुप्पिया मम पुब्बि वा पच्छा वा ममेयरूवं दिव्वं देविहि दिव्वं देवजुइं दिव्वं देवाणुभावं लद्धं पत्तं अभिसमन्नागयं ति । तं इच्छामि गं देवाणुप्पियाणं भत्तिपुव्वगं गोयमाइयाणं समणाणं निग्गंथाणं दिव्यं देविहिँ दिव्वं देवजुइं दिव्वं देवाणुभावं दिव्वं बत्तीसइबद्धं नट्टविहिं उवदंसित्तए । (सू० २२)।
तए णं समणे भगवं महावीरे सरियाभेणं देवेणं एवं वुत्ते समाणे मूरियाभस्स देवस्स एयम णो आढाइ णो परियाणइ तुसिणीए संचिहइ । नए णं से सूरियामे देवे समणं भगवं महावीरं दोच्चपि एवं वयासी-तुब्भे णं भंते ! सव्वं जाणह जाव उवदंसित्तए तिकटु समणं भगवं महावीरं तिक्खुत्तो आयाहिणपयाहिणं करेइ २ वंदइ नमसइ २ ता उत्तरपुरथिमं दिसीभागं अइक्कमइ २ ता वेउब्वियसमुग्घाएणं समोहणइ २ ता संखिजाई जोयणाइं दंड निस्सरइ २ त्ता अहाबायरे० २ अहामुहुमे० २ दोचंपि वेउब्वियसमुग्याएणं जाव बहुसमरमणिज भूमिभाग विउव्वइ, से जहानामए आलिंगपुक्खरे इ वा जाव मणीणं फासो, तस्स णं बहुसमरमणिज्जस्स भूमिभागस्स बहुमज्झदेसभागे पिच्छाघरमंडवं विउव्वइ, अणेगखंभसयसंनिविढे
Shree Sudharmaswami Gyanbhandar-Umara, Surat
www.umaragyanbhandar.com
