________________
( ३८ ) श्रात्मैव सर्वसारोऽस्ति, मिथ्यास्ति जडजीवनम् । देहजीवनतो भिन्न,-माऽऽत्मनो जीवनं तव ॥३७०॥ ब्रह्मणो जीवनं स्मृत्वा, विस्मृत्य मोहजीवनम् । देहजीवनतो जीव!!, ब्रह्मजीवनलाभतः ॥ ३७१ ॥ नियस्व मोहभावात्त्वं, जीवाऽऽत्मजीवनेन हि । त्वमेवाऽस्ति स्वयं ब्रह्म, किमन्यत्र प्रधावसि ॥३७२॥
आत्मदृष्ट्या भवेदाऽऽत्मा, परमाऽऽत्मा स्वयं प्रभुः । भीतं कर्तुं समर्थो न, त्वामन्यो निर्भयोऽसि हि ॥३७३॥ आत्मप्रभुं विना नान्या, मिथ्येच्छा तेऽस्ति चेद्धृदि । समभावोऽस्ति चेत्तर्हि, नेच्छाया हि प्रयोजनम्॥३७४॥ त्यागश्च ग्रहणं सर्व, मिच्छया न भवेत्तदा । त्यागग्रहणकर्ताऽपि, खयमाऽऽत्मा भवेजिनः ॥३७५॥ त्यागश्च ग्रहणं सर्व, प्रारब्धस्य प्रयोगतः । भवेत्तदा स्वयं ब्रह्म,-रूपेण भगवान् खलु ॥३७६॥ प्रारब्धकर्मतो देह,-जीवनस्य प्रसाधना । भवेत्तथापि निर्बन्ध, आत्मा साक्ष्युपयोगतः ॥३७७॥ यत्र तर्का न गच्छन्ति, यत्र नैव मनोगतिः । रागद्वेषलयो यत्र, तत्राऽत्मा जायते प्रभुः ॥३७८ ॥ शुद्धप्रेमप्रवाहेण, द्वेषादिदोषसंक्षयः । द्वेषादिदोषनाशाद्धि, स्वाऽऽत्मा भवति केवली॥३७९॥
Shree Sudharmaswami Gyanbhandar-Umara, Surat
www.umaragyanbhandar.com
