________________
( ३७ )
सर्वभाषाषु नामानि, प्रभो बहूनि सन्ति हि । तन्नामभिः प्रवाच्योऽह, माऽऽत्मा ज्ञानसुखोदधिः।३६०॥ आत्मन्येव चिदाऽऽनन्दो, नान्यत्र निश्चयोऽस्ति मे। निश्चित्यैवं हृदिध्येय, आत्मारामः प्रभुर्महान् ॥३६१॥ निजाऽऽत्मनः सुखाखादी, सर्वत्राऽपि परिभ्रमन् । भवेन्न पुद्गलानन्दी, सर्वविश्वस्यसंग्यपि ॥३६२ ॥ श्वभ्रादिदुःखभीत्या न, स्वर्गसुखेच्छया च न । भक्ता भक्तिं प्रकुर्वन्ति, कुर्वन्ति स्वाऽऽत्मशुद्धये।३६३। भक्तानां भक्तिरेवास्ति, शुद्धब्रह्मणि मग्नता । आत्मनश्चित्तबुद्ध्यादे,-रर्पणं च निजाऽऽत्मनि ॥३६४॥ प्रभोः सर्वमिदं मत्वा, देहबुद्धिधनादिकम् । आत्मनैवार्पणं कृत्वा, विश्वसेवां समाचर ॥ ३६५॥ विश्वस्थसर्वजीवानां,-सेवैव प्रभुसेवना । आत्मसेवैव विश्वस्य,-सेवा ज्ञानादिभिः शुभा ॥३६६॥ आत्मप्रभुं विना किञ्चि,-न्नान्यमिच्छेच्छुभाशुभम् । पराभक्त्या प्रभुं पश्यन् , भक्तःसाक्षात्प्रभुर्भवेत्॥३६७॥ सम्प्राप्य मानुषं जन्म, मा प्रमादं कुरुष्व भोः । एकक्षणे प्रभु प्राप्यः, क्षणमेकं तु दुर्लभम् ॥३६८॥ एकक्षणमपि व्यर्थ, हारय मा प्रमादतः । नुभवस्य क्षणं भव्य !, देवानामपि दुर्लभम् ॥३६६॥
Shree Sudharmaswami Gyanbhandar-Umara, Surat
www.umaragyanbhandar.com
