Page Text
________________
नायाधम्मकहाओ
[XVI.135
भिसेयं जाव उवद्ववेह पुरिससहस्सवाहिणीओ सिबियाओ उबट्ठवेह जाव पश्चोरुहंति जेणेव थेग भगवंतो तेणेव उवागच्छंति जाव आलित्ते णं जाव समणा जाया चोहस्स पुव्वाई अहिज्जति २ बहूणि वासाणि छट्ठट्ठमदसमदुवालसेहिं मासद्धमासखमणेहिं अप्पाणं भावेमाणा विहरति ।
50
(134) तए णं सा दोवई देवी सीयाओ पश्चोरुहइ जाव पठवइया सुव्वयाए अज्जाए सिस्सिणियत्ताए दलयइ एक्कारस अंगाई अहिज्जइ बहूणि वासाणि छट्ठट्ठमदसमदुवालसेहिं जाव विहरइ ।
1
(135) तए णं थेरा भगवंतो अन्नया कयाइ पंडुमहुराओ नयरीओ सहसंबवणाओ उज्जाणाओ पडिनिक्खमंत २ बहिया जणवयविहारं विहरंति | तेणं कालेणं २ अरहा अरिट्ठनेमी जेणेव सुरट्ठाजणवए तेणेव । उवागच्छइ २ सुरट्ठांजणवयंसि संजमेणं तवसा अप्पाणं भावेमाणे विहरइ । तए णं बहुजणो अन्नमन्नस्स एवमाइक्खइ ४ - एवं खलु देवाणुप्पिया ! अरहा अरिट्ठनेमी सुरट्ठाजणवए जाव विहरइ । तए णं ते जुहिल्लिपा मोक्खा पंच अणगारा बहुजणस्स अंतिए एयमहं सोच्चा अन्नमन्नं सद्दार्वेति २ एवं बयासी एवं खलु देवाणुप्पिया ! अरहा अरिट्ठनेमी पुव्वाणुपुव्वि जाव विहरइ । तं सेयं खलु अम्हं थेरा आपुच्छित्ता अरहं अरिट्ठनेमिं वंदणीए गमित्तए अन्नमन्नस्स एयमहं पडिसुर्णेति २ जेणेव थेरा भगवंतो तेणेव उवागच्छंति २ थेरे भगवंते वंदंति नर्मसंति २ एवं वयासी - इच्छामो णं तुन्भेहिं अब्भणुन्नाया समाणा अरहं अरिट्ठनेमिं जाव गमित्तए । अहासुहं देवाणुप्पिया ! तए णं ते जुहिट्ठिल्लपामोक्खा पंच अणगारा थेरेहिं अब्भणुन्नाया समाणा थेरे भगवंते बंदंति नर्मसंति २ थेराणं अंतियाओ पडिनिक्खमंति मासंमासेणं अणिक्खित्तेणं तवोकम्मेणं गामाणुगामं दूइज्जमाणा जाव जेणेव हत्थकप्पे तेणेव उवागच्छंति हैंत्थकप्पस्स बहिया सहसंबवणे उज्जाणे जाव विहरति । तए णं तें जुहिट्ठिल्लवज्जा चत्तारि अणगारा मासक्खमणपारणए पढमाए पोरिसीए सज्झायं करेंति बीयाए एवं जहा गोयमसामी नवरं जुहिट्ठिलं आपुच्छंति जाव अडमाणा बहुजणसहं निसामेंति । एवं खलु देवाणुप्पिया ! अरहा
Shree Sudharmaswami Gyanbhandar-Umara, Surat
www.umaragyanbhandar.com
| SR No. | 034981 |
| Book Title | Nayadhamma Kahao |
| Original Sutra Author | N/A |
| Author | N V Vaidya |
| Publisher | N V Vaidya |
| Publication Year | |
| Total Pages | 174 |
| Language | Sanskrit |
| Classification | Book_Devnagari |
| File Size | 15 MB |