Page Text
________________
49
-XVI.133]
नायाधम्मकहाओ सकारेइ सम्माणेइ जाव पडिविसजेइ । तए णं सा कोंती जाव पंडुस्स एयमहं निवेएइ । तए णं पंडू राया पंच पंडवे सहावेइ २ एवं वयासी - गच्छह णं तुम्भे पुत्ता ! दाहिणिलं वेयालि । तत्थ णं तुन्भे पंडुमहुरं निवेसेह । तए णं ते पंचपंडवा पंडुस्ट रन्नो जाव तहत्ति पडिसुणेति २ सबलवाहणा हयगया हत्थिणाउराओ पडिनिक्खमंति २ जेणेव दक्खिणिल्ले वेयाली तेणेव उवागच्छंति २ पंडुमहुरं नाम नगरं निवेसंति । तत्थवि गं ते विपुलभोगसमिइसमन्नागया यावि होत्था ।
(133) तए णं सा दोवई देवी अन्नया कयाइ आवनसत्ता जायावि होत्था । तए णं सा दोवई देवी नवण्हं मासाणं जाव सुरूवं दारगं पयाया सूमालं निव्वत्तबारसाहस्स इमं एयारूवं - जम्हा णं अम्हं एस दारए पंचण्हं पंडवाणं पुत्ते दोवईए देवीए अत्तए तं होऊ णं इमस्स दारगस्स नामधेनं पंडुसेणे त्ति । तए णं तस्स दारगस्स अम्मापियरो नामधेज करेंति पंडुसेणत्ति । बावत्तरं कलाओ जाव अलंभोगसमत्थे आए जुवराया जाव विहरइ । थेरा समोसढा परिसा निग्गया । पंडवा निग्गया धम्म सोच्चा एवं वयासी - जं नवरं देवाणुप्पिया ! दोवई देविं आपुच्छामो पंडुसेणं च कुमारं रजे ठावेमो तओ पच्छा देवाणुप्पियाणं अंतिए मुंडे भवित्ता जाव पव्वयामो । अहासुहं देवाणुप्पिया ! तए णं ते पंचपंडवा जेणेव सए गिहे तेणेव उवागच्छंति २ दोवई देविं सदावेंति २ एवं वयासी- एवं खलु देवाणुप्पिए ! अम्हे हिं थेराणं अंतिए धम्मे निसंते जाव पव्वयामो। तुमं णं देवाणुप्पिए । किं करोसि ? तए णं सा दोवई ते पंचपंडवे एवं वयासी-जइ णं तुब्भे देवाणुपिया ! संसारभविग्गा जाव पव्वयह मम के अन्ने आलंबे वा जाव भविस्सइ ? अहं पि य णं संसारभउव्विग्गा देवाणुप्पिएहिं सद्धिं पव्वइस्सामि । तए णं ते पंचपंडवा पंडुसेणस्स अभिसेओ जाव राया जाए जाव रजं पसाहेमाणे विहरइ । तए णं ते पंचपंडवा दोवई य देवी अन्नया कयाइ पंडुसेणं रायाणं आपुच्छंति । तए णं से पंडुसेणे राया कोडुंबियपुरिसे सहावेइ २ एवं वयासी - खिप्पामेव भो ! देवाणुप्पिया ! निक्खमणा
Shree Sudharmaswami Gyanbhandar-Umara, Surat
www.umaragyanbhandar.com
| SR No. | 034981 |
| Book Title | Nayadhamma Kahao |
| Original Sutra Author | N/A |
| Author | N V Vaidya |
| Publisher | N V Vaidya |
| Publication Year | |
| Total Pages | 174 |
| Language | Sanskrit |
| Classification | Book_Devnagari |
| File Size | 15 MB |