Nayadhamma Kahao

SR No.: 034981
Original Sutra Author: N/A
Author: N V Vaidya
Publisher: N V Vaidya
Total Pages: 174
Language: Sanskrit
Classification: Book_Devnagari
File Size: 15 MB

Page 44

43
VI.129]
नायाधम्मकहाओ जाव उवणेति। तए णं से पउमनाहे सन्नद्ध० अभिसेयं दुरूहइ २ हयगय जेणेव कण्हे वासुदेवे तेणेव पहारेत्थ गमणाए । तए णं से कण्हे वासुदेवे पउमनाभं रायाणं एन्जमाणं पासइ २ ते पंच पंडवे एवं वयासी - हं भो दारगा ! किन्नं तुब्भे पउमनाभेणं सद्धिं जुज्झिहैह उयाहु पिच्छहह ? तए णं ते पंचपंडवा कण्हं वासुदेवं एवं वयासी - अम्हे णं सामी ! जुज्झामो तुब्भे पेच्छह । तए णं पंचपंडवा सन्नद्ध जाव पहरणा रहे दुरूहंति २ जेणेव पउमनाभे राया तेणेव उवागच्छंति २ एवं वयासी - अम्हे वा पउमनाभे वा राय त्तिकटु पउमनाभेणं सद्धिं संपलग्गा यावि होत्था। तए णं से पउमनाभे राया ते पंचपंडवे खिप्पामेव यमहियपवरविवडियचिंधधयपडागे जाव दिसोदिसिं पडिसेहेइ । तए णं ते पंचपंडवा पउमनाभेणं रन्ना हयमहियपवरविवडिय जाव पडिसेहिया समाणा अत्थामा जाव अधारणिज्जमित्तिकटु जेणेव कण्हे वासुदेवे तेणेव उवागच्छंति । तए णं से कण्हे वासुदेवे ते पंचपंडवे एवं वयासी-- कहण्णं तुब्भे देवाणुप्पिया ! पउमनाभेणं रन्ना सद्धिं संपलग्गा ? तए णं ते पंचपंडवा कण्हं वासुदेवं एवं वयासी- एवं खलु देवाणुप्पिया ! अम्हे तुब्भेहिं अब्भणुन्नाया समाणा सन्नद्धा० रहे दुरूहामो २ जेणेव पउमनाभे जाव पडिसेहेइ । तए णं से कण्हे वासुदेवे ते पंचपंडवे एवं वयासी-जइ णं तुन्भे देवाणुप्पिया ! एवं वयंता- अम्हे नो पउमनाभे रायत्तिकटु पउमनाभेणं सद्धिं संप्पलग्गंता तो णं तुब्भे नो पउमैनाभे हयमहियपवर जाव पडिसेहित्था । तं पेच्छह णं तुब्भे देवाणुप्पिया ! अहं नो पउमनाभे रायत्तिकटु पउमनाभेणं रन्ना सद्धिं जुज्झामि रहं दुरूहइ २ जेणेव पउमनाभे राया तेणेव उवागच्छइ २ सेयं गोखीरहारधवलं तणसोल्लियसिंदुवारकुंदेंदुसन्निगासं निययस्स बलस्स हरिसजगणं रिउसेन्नविणासकरं पंचजन्नं संखं परामुसइ २ मुहवायपूरियं करेइ । तए णं तस्स पउमनाभस्स तेणं संखसदेणं बलतिभाए हए जाव पडिसेहिए । तए णं से कण्हे वासुदेवे धणुं परामुसइ वेढो धणुं पूरेइ २ धणुसहं करेइ । तए णं तस्स पउमनाभस्स दोच्चे बलतिभाए तेणं धणुसद्देणं हयमहिय जाव पडिसेहिए।