Page Text
________________
38
नायाधम्मकहाओ
[XVI.129झियाहि ? एवं खलु तुम देवाणुप्पिए ! मम पुत्वसंगइएणं देवेणं जंबुदीवाओ २ भारहाओ वासाओ हत्थिणाउराओ नयराओ जुहिछिल्लस्स रन्नो भवणाओ साहरिया । तं मा णं तुमं देवाणुप्पिया । ओहय जाव झियाहि । तुम णं मए सद्धिं विपुलाई भोगभोगाई जाव विहराहि । तए णं सा दोवई पउमनाभं एवं वयासी – एवं खलु देवाणुप्पिया ! जंबुद्दीवे २ भारहे वासे बारवईए नयरीए कण्हे नामं वासुदेवे मम पियभाउए परिवसइ । तं जइ णं से छण्हं मासाणं मम कूवं नो हव्वमागच्छइ तए णं अहं देवाणुप्पिया ! जं तुमं वदसि तस्स आणाओवायवयणनिद्देते विट्ठिस्सामि । तए णं से पउमनाभे दोवईए एयमढे पडिसुणेइ २ दोवई देविं कन्नतेउरे ठवेइ । तए णं सा दोवई देवी छटुंछटेणं अणिक्खित्तेणं आयंबिलपरिग्गहिएणं तवोकम्मे गं अप्पाणं भावेमाणी विहरइ।
__(129) तए णं से जुहिडिल्ले राया तओ मुहुत्तंतरस्स पडिबुद्धे समाणे दोवई देविं पासे अपासमाणे सयणिज्जाओ उढेइ २ दोवईए देवीए सव्वओ समंता मग्गणगवेसणं करेइ २ दोवईए देवीए कत्थइ सुई वा खुई वा पवत्तिं वा अलभमाणे जेणेव पंडूराया तेणेव उवागच्छइ २ पंडूरायं एवं वयासी- एवं खलु ताओ ! मम आगासतलगांस सुहपसुत्तस्स पासाओ दोवई देवी न नजद केणइ देवेण वा दाणवेण वा किंपुरिसेण वा किन्नरेण वा महोरगेण वा गंधव्वेण वा हिया वा निया वा अक्खित्ता वा । तं इच्छामि गं ताओ ! दोवईए देवीए सव्वओ समंता मग्गणगवेसणं करितए । तए णं से पंडूराया कोडुबियपुरिसे सहावेइ २ एवं वयासी - गच्छह णं तुब्भे देवाणुप्पिया! हत्थिणाउरे नयरे सिंघाडगतिगचउक्कचच्चरमहापहपहेसु महया २ सद्देणं उग्घोसेमाणा २ एवं वयह – एवं खलु देवाणुप्पिया! जुहिहिल्लस्स रनो आगासतलगंसि सुहपसुत्तस्स पासाओ दोवई देवी न नजइ केणइ देवेण वा दाणवेण वा किन्नरेण वा किंपुरिसेण वा महोरगेण वा गंधव्वेण वा हियो वा निया वा अंक्खित्ता वा । तं जो णं देवाणुप्पिया! दोवईए देवीए सुई वा खुई वा पवित्तिं वा परिकहेह तस्स णं पंडूराया
Shree Sudharmaswami Gyanbhandar-Umara, Surat
www.umaragyanbhandar.com
| SR No. | 034981 |
| Book Title | Nayadhamma Kahao |
| Original Sutra Author | N/A |
| Author | N V Vaidya |
| Publisher | N V Vaidya |
| Publication Year | |
| Total Pages | 174 |
| Language | Sanskrit |
| Classification | Book_Devnagari |
| File Size | 15 MB |