Page Text
________________
नायाधम्मकहाओ
[xv1.128करेत्तए तिकटु एवं संपेहेइ २ पंडुरायं आपुच्छइ २ उप्पयाणि विज्ज आवाहेइ २ ताए उकिट्ठाए जाव विजाहरगईए लवणसमुहं मझमज्झेणं पुरत्याभिमुहे वीईवइउं पयत्ते यावि होत्था । तेणं कालेणं २ धायइसंडे दीवे पुरथिमद्धदाहिणड्डभरहवासे अवरकंका नाम रायहाणी होत्था । तत्थ णं अवरकंकाए रायहाणीए पउमनाभे नामं राया होत्था महया हिमवंत वण्णओ । तस्स णं पउमनाभस्स रन्नो सत्त देवीसयाई ओरोहे होत्था। तस्सणं पउमनाभस्स रन्नो सुनाभे नाम पुत्ते जुवरायावि होत्था । तए णं से पउमनाभे राया अंतोअंतेउरंसि ओरोहसंपरिबुडे सीहासणवरगए विहरइ । तए णं से कच्छुल्लनारए जेणेव अवरकंका रायहाणी जेणेव पउमनाभस्स भवणे तेणेव उवागच्छइ २ पउमनाभस्स रनो भवणसि झत्ति वेगेण समोवइए । तए णं से पउमनाभे कच्छुल्लनारयं एजमाणं पासइ २ आसणाओ अब्भुट्टेइ २ अग्घेणं जाक आसणेणं उवनिमंतेइ । तए णं से कच्छुल्लनारए उदयपरिफोसियाए दब्भोवरिपञ्चत्थुयाए भिसियाए निसीयइ जाव कुसलोदंतं आपुच्छइ । सए णं से पउमनाभे राया नियगओरोहे जायविम्हए कच्छुल्लनारयं एवं वयासीतुमं देवाणुप्पिया ! बहूणि गामाणि नाव गिहाई अणुपविससि । तं अत्थियाई ते कहिंचि देवाणुप्पिया ! एरिसए ओरोहे विठ्ठपुव्वे जारिसए णं मम ओरोहे ? तए णं से कच्छुल्लनारए पउमनाभेणं एवं वुत्ते समाणे ईसिं विहसियं करेइ २ एवं वयासी- सरिसे णं तुम पउमनामा ! तस्स अगडडुरस्स । के णं देवाणुप्पिया! से अगडदहुरे ? एवं जहा मल्लिणाए । एवं खलु देवाणुप्पिया ! जंबुद्दीवे २ भारहे वासे हस्थिणाउरे नयरे दुपयस्स रनो धूया चुलणीए देवीए अत्तया पंदुस्स सुण्हा पंचण्हं पंडवाणं भारिया दोवई देवी रूवेण य भाव उकिसरीरा । दोवईए णं देवीए छिमस्सवि पायंगुहस्स अयं तव आरोहे संयपि कलं न अग्घइ सिकटु पउमनाभं आपुच्छइ नाव पडिगए । तए णं से पउमनाभे राया कच्छुलनारयस्स भतिए एयमढे सोचा निसम्म दोवईए देवीए हवे व ३ मुच्छिए ४ जेणेव पोसहसाला तेणेव उवागच्छइ २
Shree Sudharmaswami Gyanbhandar-Umara, Surat
www.umaragyanbhandar.com
| SR No. | 034981 |
| Book Title | Nayadhamma Kahao |
| Original Sutra Author | N/A |
| Author | N V Vaidya |
| Publisher | N V Vaidya |
| Publication Year | |
| Total Pages | 174 |
| Language | Sanskrit |
| Classification | Book_Devnagari |
| File Size | 15 MB |