Page Text
________________
-xvi.128] नायाधम्मकहाओ कच्छुल्लनारए दसणेणं अइभद्दए विणीए अंतो य कलुसहियए मज्झत्थेउवत्थिए य अल्लीणसोमपियदंसणे सुरूवे अमइलसगलपरिहिए कालमियचम्मउत्तरासंगरइयवच्छे दण्डकमण्डलुहत्थे जडामउडदित्तसिरए जन्नोवइयगणेत्तियमुंजमेहलावागलधरे हत्थकयकच्छभीए पियगंधव्वे धरणिगोयरप्पहाणे संवरणावरणओवयणुप्पयणिलेसणीसु य संकामणिआभिओगपन्नत्तिगमणीयंभिणीसु य बहसु विजाहरीसु विजासु विस्सुयजसे इढे रामस्स य केसवस्स य पज्जुन्नपईवसंबअनिरुद्धनिसढउम्मयसारणगयसुमुहदुम्मुहाईणं जायवाणं अद्भुट्ठाण य कुमारकोडीणं हिययदइए संथवए कलहजुद्धकोलाहलप्पिए भंडणाभिलासी बहूसु य समरसयसंपराएसु दंसणरए समंलओ कलहं सदक्खिणं अणुगवेसमाणे असमाहिकरे दसारवरवीरपुरिसतेलोकबलवगाणं आमंतेऊण तं भगवई पक्कमणि गगणगमणदुच्छं उप्पइओ गर्गणमभिलंघयंतो गामागरनगरखेडकब्बडमडंबदोणमुहपट्टणसंबाहसहस्समंडियं थिमियमेइणीतलं वसुहं ओलोइंते" रम्मं हथिणारं उवागए पंडुरायभवणंसि अइवेगेण सैमोवइए । तए णं से पंडू राया कच्छुल्लनारयं एजमाणं पासइ २ पंचहिं पंडवेहिं कुंतीए य देवीए सद्धिं आसणाओ अब्भुढेइ २ कच्छुल्लनारयं सत्तट्ठपयाई पच्चुग्गच्छइ २ तिक्खुत्तो आयाहिणपयाहिणं करेइ २ वंदइ नमसइ २ महरिहेणं आसणेणं उवनिमंतेइ । तए णं से कच्छुल्लनारए उदगपरिफोसियाए दब्भोवरिपच्चुत्थुयाए भिसियाए निसीयइ २ पंडुरायं रजे य जाव अंतेउरे य कुसलोदंतं पुच्छइ । तए णं से पंडूराया कोंती य देवी पंच य पंडवा कच्छुल्लनारयं आढ़ति जाव पज्जुवासंति । तए णं सा दोवई देवी कच्छुल्लनारयं अस्संजयअविरयअप्पडिहयअपञ्चक्खायपावकम्म तिकटु नो आढाइ नो परियाणइ नो अब्भुढेइ नो पज्जुवासइ ।
___(128) तए णं तस्स कच्छुल्लनारयस्स इमेयारूवे अज्झथिए चिंतिए पत्थिए मणोगए संकप्पे समुप्पजित्था - अहो णं दोवई देवी रूवेण य जाव लावण्णेण य पंचहिं पंडवेहिं अवत्थद्धा समाणी ममं नो आढाइ जाव नो पज्जुवासइ । तं सेयं खलु मम दोवईए देवीए विप्पियं
Shree Sudharmaswami Gyanbhandar-Umara, Surat
www.umaragyanbhandar.com
| SR No. | 034981 |
| Book Title | Nayadhamma Kahao |
| Original Sutra Author | N/A |
| Author | N V Vaidya |
| Publisher | N V Vaidya |
| Publication Year | |
| Total Pages | 174 |
| Language | Sanskrit |
| Classification | Book_Devnagari |
| File Size | 15 MB |