Page Text
________________
नायाधम्मकहाभो [XVI.125हयगय० कंपिल्लपुरं मझमज्झेणं निग्गच्छइ जेणेव सयंवरामंडवे जेणेव बासुदेवपामोक्खा बहवे रायसहस्सा तेणेव उवागच्छइ २ तेसिं वासुदेषपामोक्खाणं करयल जाव वद्धावेत्ता कण्हस्स वासुदेवस्स सेयवरचामरं गहाय उववीयमाणे चिट्ठइ।
(124) तए णं सा दोवई २ कल्लं जाव जेणेव मजणघरे तेणेव उवागच्छह २ मजणघरं अणुपविसइ २ ण्हाया कयबलिकम्मा कयकोउयमंगलपायच्छित्ता सुद्धप्पावेसाई मंगल्लाइं वत्थाई पवरपरिहिया मजणघराओ पडिनिक्खमइ २ जेणेव जिणघरे तेणेव उवागच्छइ २ जिणघरं अणुपविसइ २ जिणपडिमाणं आलोए पणामं करेइ २ टोमहत्थयं परामुसइ एवं जहा सूरियाभो जिणपडिमाओ अच्चेइ तहेव भाणियव्वं जाव धूवं डहइ २ वामं जाणुं अंचेइ दाहिणं जाणुं धरणितलंसि निहेर्ट्स तिक्खुत्तो मुद्धाणं धरणितलंसि नंमेइ २ ईसिं पच्चुन्नमइ २ करयल जाव कटु एवं वयासी- नमोत्थु णं अरहंताणं जाव संपत्ताणं वंदइ नमसइ २ जिणघराओ पडिनिक्खमइ २ जेणेव अंतेउरे तेणेव उवागच्छइ ।
(125) तए णं तं दोवई २ अंतेउरियाओ सव्वालंकारविभूसियं करेंति । किं ते ? वरपायपत्तनेउरा जाव घेडियाचक्कवालमहेयरगविंदपरिक्खित्ता अंतेउराओ पडिनिक्खमइ २ जेणेव बाहिरिया उवट्ठाणसाला जेणेव चाउग्घंटे आसरहे तेणेव उवागच्छइ २ किडावियाए लेहियाए सद्धिं चाउग्घंटं आसरहं दुरूहइ । तए णं से धहजुणे कुमारे दोवईए कन्नाए सारत्थं करेइ । तए णं सा दोवई २ कंपिल्लपुरं मझमझेणं जेणेव सयंवरामंडवे तेणेव उवागच्छइ २ रहं ठावेइ रहाओ पञ्चोरुभइ २ किड्डाषियाए लेहियाए साई सयंवरमंडवं अणुपविसइ करयल जाब तोर्स वासुदेवपामोक्खाणं बहूणं रायवरसहस्साणं पणामं करेइ । तए णं सा दोवई २ एगं महं सिरिदामगंडं० किं ते ? पाडलमल्लियचंपय जाव सत्तच्छयाईहिं गंधद्धाणं मुयंतं परमसुहफासं दरिसणिजं गेण्हह । तए णं सा. किड्डाविया सुरूवा जाव वामहत्थेणं चिल्लगं दप्पणं गहेऊण सललियं दुप्पणसंकंतबिंबसंदसिए य से दाहिणेणं हत्थेणं दरिसए पवररायसीहे फुड
www.umaragyanbhandar.com
Shree Sudharmaswami Gyanbhandar-Umara, Surat
| SR No. | 034981 |
| Book Title | Nayadhamma Kahao |
| Original Sutra Author | N/A |
| Author | N V Vaidya |
| Publisher | N V Vaidya |
| Publication Year | |
| Total Pages | 174 |
| Language | Sanskrit |
| Classification | Book_Devnagari |
| File Size | 15 MB |