Page Text
________________
28
नायाधम्मकहायो [XVI.121समणीओ निग्गंथीओ इरियासमियाओ जाव बंभचेरधारिणीओ।नों खलु कप्पइ अम्हं सरीरबाउसियाए होत्तए । तुमं च णं अजे ! सरीरबाउसिया अभिक्खणं २ हत्थे धोवेसि जाव चेएसि । तं तुम णं देवाणुप्पिए ! एयस्स ठाणस्स आलोएहि जाव पडिवजाहि । तए णं सूमालिया गोवालियाणं अजाणं एयमहूं नो आढाइ नो परियाणाइ अणाढायमाणी अपरियाणाणी विहरइ। तए णं ताओ अज्जाओ समालियं अजं अभिक्खणं २ हीति जाव परिभवंति अभिक्खणं २ एयमढे निवारैति। तए णं तीसे सूमालियाए समणीहिं निग्गंथीहिं हीलिजमाणीए जाव वारिजमाणीए इमेयारूवे अज्झथिए जाव समुप्पजित्था - जया णं अहं अगारवासमज्झे वसामि तया णं अहं अप्पवसा। जया णं अहं मुंडा भवित्ता पव्वइया तया णं अहं परवसा । पुदिव च णं ममं समणीओ आढायंति इयाणि नो आढायंति । तं सेयं खलु मम कल्लं पाउप्पभायाए गोवालियाणं अंतियाओ पडिनिक्खमित्ता पाडिएकं उवस्सयं उवसंपजित्ताणं विहरित्तए त्तिकटु एवं संपेहेइ २. कल्लं गोवालियाणं अंतियाओ पडिनिक्खमइ २ पाडिएकं उवस्सयं उवसंपज्जित्ताणं विहरइ । तए णं सा सूमालिया अज्जा अणोहट्टिया अनिवारिया सच्छंदमई अभिक्खणं २ हत्थे धोवेइ जाव चेएइ तत्थ वि यणं पासत्था पासस्थविहारिणी ओसन्ना ओसन्नविहारी कुसीला कुसीलविहारी संसत्ता संसत्तविहारी बहूणि वासाणि सामण्णपरियागं पाउणइ २ अद्धमासियाए सलेहणाए तस्स ठाणस्स अणालोइयपडिकंता कालमासे कालं किच्चा ईसाणे कप्पे अन्नयरंसि विमाणंसि देवगणियत्ताए उववन्ना। तत्थेगइयाणं देवीणं नवपलिओवमाई ठिई पन्नत्ता । तत्थ णं सूमालियाए देवीए नवपलिओवमाइं ठिई पन्नत्ता।
(121) तेणं कालेणं २ इहेव जंबुद्दीवे २ भारहे वासे पंचालेसु जणवएसु कंपिल्लपुरे नामं नयरे होत्था वण्णओ । तत्थ णं द्वए नामं राया होत्था वण्णओ । तस्स णं चुलणी देवी ध?ज्जुणे कुमारे जुवराया। तए णं सा सूमालिया देवी ताओ देवलोगाओ आउक्खएणं जाव चइत्ता इहेव जंबुद्दीवे २ भारहे वासे पंचालेसु जणवएसु कंपिल्लपुरे नयरे
Shree Sudharmaswami Gyanbhandar-Umara, Surat
www.umaragyanbhandar.com
| SR No. | 034981 |
| Book Title | Nayadhamma Kahao |
| Original Sutra Author | N/A |
| Author | N V Vaidya |
| Publisher | N V Vaidya |
| Publication Year | |
| Total Pages | 174 |
| Language | Sanskrit |
| Classification | Book_Devnagari |
| File Size | 15 MB |