________________
करुणरसकदंबकं
[६१] पवहणभंगुत्तरकाले मिलंतीए रुयंतीए य
सुंदरीए नंदस्स आसासणं । अह कह वि तहाभवियव्वयाइ उवलद्धफैलगखंडाणि । एक्कम्मि चेव 'बेलाउलम्मि लग्गाणि लहु ताणि ॥ २३ ॥ अघडंतघडणसुघडियविहडणवावडविहिस्स जोगेण । जायं परोप्परं दसणं च गुरुविरहविहुराणं ॥ २४ ॥ ता हरिसविसायवसुच्छलंतदढमण्णुपुण्णगलसरणी । सहसत्ति सुंदरी नंदकंठमवलंबिउं दीणा ॥ २५ ॥ रोविउमारद्धा निबिरामनिवडंतनयणसलिलभरा । जलनिहिसंगुवागंबुबिंदुनिवहं मुयंति व्व ॥ २६ ॥ कहकह वि धीरिमं धारिऊण नंदेण जंपियं ताहे । सुयणु ! किमेवं सोगं करेसि अच्चंतकसिणमुही ? ॥ २७ ॥ को नाम मयच्छि ! जए जाओ जो जस्स नेव वसणाइ । पाउन्भूयाणि न वा जायाणि य जम्ममरणाणि ? ॥ २८ ॥ कमलमुहि ! घेच्छ गयणंगणेकचूडामणिम्स वि रविस्स । उदयपयावविणासा पइदियसं चिय वियंभंति ॥ २९॥ किं वा न सुयं तुमए जिणिंदवयणम्नि जं सुरिंदावि । पुव्वसुकयक्खयम्मी दुत्थावत्थं उवलहंति ? ॥ ३० ॥ कम्मवसवत्तिजंतूण सुयणु ! किं एत्तिए वि परितावो ? । जेसिं छायव्व समं भमडइ दुक्खाण दंदोली ॥ ३१ ॥
-उवएसपयवित्तीए पु० ४१ । ૧ પાટીઆના કકડા. ૨ બંદર. ૩ શોક. ૪ નિરંતર. ૫ શ્યામ भुभवाणी. ६ पुश्यना क्षये. ७ श्रेली.
Shree Sudharmaswami Gyanbhandar-Umara, Surat
www.umaragyanbhandar.com
