________________
करुणरसकदंबकं तो अल्हंतो कत्तोवि सुद्धिमत्तंपि कण्हमरणस्स । आसामुक्को कण्हं अवगूहेऊण पलवेइ ॥ ३९५४ ॥ हा कण्ह ! हा महाबल ! महबंधव कणि? ! गुणजे? !। मोत्तूण मं अणाहं हा कत्थ गओऽसि अकहेउं ? ॥३९५५॥ रोएमि धीर ! किं तुब्भ विक्कमं किं जसं व सोहगं । रूवं रिद्धिं पडिवन्नपालणं वैच्छलत्तं वा ॥ ३९५६ ॥ गंभीरयं थिरत्तं सोंडीरत्तं च चावसत्तिं च । धम्म सञ्चं च रुयामि किं नु तुह गुणमयसरीर ! ॥३९५७॥ पभणंतो य पुरा तं तुब्भ विओयं सहेमि न हु राम !। ता किं जायवभूसण ! एकपए निट्ठरो जाओ ॥३९५८॥ किं होही कोवि जए सो पुरिसो जेण दिट्ठमेत्तेण । कण्ह ! पुणोवि लहिस्सं तं तुह संगमपमोयमहं ॥३९५९॥ तुब्मऽवि य अवत्थमिमं दटुं सोउं च जो जणो मत्तो। साहरइ किंपि वत्थु मूढोच्चिय सो न संदेहो ॥ ३९६०॥ इच्चाइ बहुपयार पयडेउं पुन्वसंविहाणाई। रिद्धिं च पलवमाणो सो उम्मत्तो हली जाओ ॥ ३९६१ ।। खंधमि तं खिबेउं कण्हसवं भमइ तंमि रणम्मि । पूयंतो कुसुमेहिं छम्मासा जाव संपुष्णा ॥ ३९६२ ॥
-भवभावणावित्तीए पु० २६१ ।
૧ આલિંગન દઈને. ૨ વાત્સલ્યને. ૩ ધનુષ ધારવાની શક્તિને.
Shree Sudharmaswami Gyanbhandar-Umara, Surat
www.umaragyanbhandar.com
