Jain Dharmni Gai Kal Aaj Ane Aavti Kal

SR No.: 034452
Original Sutra Author: N/A
Author: Gunvant Barvalia
Publisher: Arham Spiritual Center
Publication Year: 2019
Total Pages: 86
Language: Gujarati
Classification: Book_Gujarati
File Size: 1 MB

Page 8

(૬) લોકોને ભોગસુખથી સદાય અતૃપ્તિ અને અશાંતિનો સિદ્ધાંત વિવિધ રીતે સમજાવવો જોઈએ.
(૭) અન્યાય, અનીતિ કે દુરાચારના દુષ્ટફળનું જ્ઞાન આપવા લોકોને ધર્મ અને કર્મના સિદ્ધાંતો સમજાવવા જોઈએ.
ધર્મઆરાધનાનું ફળ ચિત્તશાંતિ કે પ્રસન્નતા છે, પરંતુ તેના By Product રૂપે ધનસંપત્તિનો લાભ સહજ રીતે મળવાનો જ છે.
(૮) જેમ ઘરમાં બાળકોને સમજાવવા માતા-પિતાએ થોડીવાર બાળક જેવા બનવું પડે છે. બાળકની કાલી-ઘેલી ભાષા બોલવી પડે છે. તે જ રીતે સંતસતીજીઓએ યુવાધનને સાચવવા કે તેને સન્માર્ગે લાવવા પોતાના મૂળભૂત સિદ્ધાંતોને વળગીને યુવાનોની પસંદગીને સ્વીકારવી પડે છે.
(૯) ઘરના વડીલોએ ધન-સપંત્તિની ઘેલછા છોડવી જોઈએ. સંતાનોના શિક્ષણ સાથે તેને ધાર્મિક શિક્ષણ માટે પ્રારંભથી જ પ્રોત્સાહિત કરવા જોઈએ. ઘરનું વાતાવરણ બાળકોના માનસને અવશ્ય પ્રભાવિત કરે છે. તેથી ઘર ઘરમાં જૈનત્વના સંસ્કાર ઝળકવા જોઈએ.
(૧૦) રાજકીય ક્ષેત્રે સંસ્કારસંપન્ન સજ્જન પુરુષોનો પ્રવેશ થાય, તો પણ આર્યસંસ્કૃતિના સંસ્કારો જાળવી શકાય છે.
સંક્ષેપમાં યુવાનોને જે જોઈએ છે તે સર્વ પ્રકારની અનુકૂળતા ધર્મના ફળસ્વરૂપે જ મળે છે. ‘આ જગતનું કોઈપણ સુખ ધર્મ સાથે જ બંધાયેલું છે' આ કથન યુવાનોના ગળે ઉતારવું જોઈએ. પ્રભુ મહાવીરના દશેય શ્રાવકો અઢળક સંપત્તિના સ્વામી હતા.
૧૨
જ્ઞાનધારા - ૧૯
આત્મસાધનાની સાથે જેના હૈયે શાસનને જીવંત રાખવાની દાઝ છે, ‘સલ્વે
જીવ કરું શાસનરસી' જેવો ઉમદા ભાવ છે, ‘પરમાત્માકથિત ધર્મમાં જ સર્વ જીવોનું હિત અને કલ્યાણ છે’ તેવી દૃઢતમ શ્રદ્ધા છે તેવા અનેક સંત-સતીજીઓ આ ક્ષેત્રે પોતાનું યોગદાન આપી રહ્યા છે.
આવા અનેક સંતોમાં આચાર્યસમ પૂ. શ્રી ચંદ્રશેખરવિજયજી મહારાજ સાહેબ અગ્રગણ્ય સ્થાન ધરાવે છે. તેમણે જીવનના છેલ્લા શ્વાસ સુધી પ્રખર પ્રવચન અને સાંસ્કૃતિક સાહિત્યસર્જન દ્વારા સમાજને સન્માર્ગનું દર્શન કરાવ્યું છે. એટલું જ નહીં, પરંતુ ‘તપોવન’ જેવા જૈન ગુરુકુળની સ્થાપના દ્વારા સેંકડો બાળકોમાં સુસંસ્કારનું સિંચન કરવાનો જબરદસ્ત પુરુષાર્થ કર્યો છે. તેમણે તૈયાર કરેલા વીર સૈનિકો જૈન સમાજની શાન છે. આ સંસ્થામાં તેજસ્વી વિદ્યાર્થીઓને આઈ.એ.એસ. કક્ષાના અધિકારી બનવાની તાલીમ ચાલુ થઈ ગઈ છે. આવા તપોવનો જો ઠેરઠેર ચાલુ થાય તો બાળકોનો વિકાસ ધર્મના પાયા પર થાય, જે ફક્ત બાળકો કે તેના પરિવાર માટે જ નહીં પરંતુ સમાજ, રાજ્ય કે રાષ્ટ્ર માટે લાભદાયી બની શકે તેમાં શંકાને સ્થાન નથી.
યુવાહૃદય સમ્રાટ પૂ. શ્રી હેમરત્નવિજયજી મ.સા.ની પવિત્ર પ્રેરણાથી જૈન એલર્ટ ગ્રુપ તૈયાર થયું છે, જેમાં હજારો યુવાનો ભોગ-વિલાસ કે વિવિધ વ્યસનોને છોડીને જૈન ધર્મ પ્રતિ શ્રદ્ધાશીલ બન્યા છે.
રાષ્ટ્રસંત પૂ. ગુરુદેવ શ્રી નમ્રમુનિ મ.સા.એ યુવાધનને સન્માર્ગે વાળવા અર્હમ્ યુવા ગ્રુપની સ્થાપના કરી છે. તેઓ યુવાનોને સેવાકીય પ્રવૃત્તિથી સાધનામાર્ગે લાવી રહ્યા છે. બાળકોના સંસ્કારસિંચન માટે Look and Learn ના સેંકડો સેન્ટરો દેશ-વિદેશમાં કાર્યરત બની રહ્યા છે. બાળકોને રમત-ગમત સાથે જૈનત્વના સંસ્કાર,
જૈન ધર્મની ગઈકાલ, આજ અને આવતીકાલ
૧૩