________________
પશ્ચિમ[નૈઋત્યકોણ] માં બાહ્ય પરિષદના ૩૨,૦૦૦ દેવોનાં ૩૨,૦૦૦ ભદ્રાસન છે. પશ્ચિમમાં સાત સેનાધિપતિઓનાં સાત અને ચારે દિશાઓમાં આત્મરક્ષક દેવોનાં ૬૪–૬૪ હજાર ભદ્રાસન છે.
(૧) ઉપપાત સભા : જ્યાં દેવ શય્યામાં ચમરેન્દ્રનો જન્મ થાય છે. પછી તે ઉત્પન્ન થયેલા ઈન્દ્રને આ સંકલ્પ ઉત્પન્ન થાય છે કે મારે પહેલા કે પછી શું કાર્ય કરવાનું છે ? મારો જીતાચાર શું છે ?
(૨) અભિષેક સભા : સામાનિક દેવો દ્વારા નવા ઉત્પન્ન થયેલા દેવોનો મહાન ઋદ્ધિથી અભિષેક સભામાં અભિષેક કરાય છે.
(૩) અલંકાર સભા : તેમાં દેવોને વસ્ત્રાભૂષણોથી અલંકૃત કરાય છે.
(૪) વ્યવસાય સભા : તેમાં પુસ્તકનું વાંચન કરાય છે. તેના દ્વારા પોતાનો જીત વ્યવહાર તે દેવ સમજી જાય છે.
અસુરકુમાર દેવોનો માર્ગ : અહીં અસુરકુમાર દેવોના આવાગમન માર્ગનો નિર્દેશ મળે છે. નીચાલોકથી તિરછાલોકમાં તેઓ નિશ્ચિત માર્ગથી અવર–જવર કરે છે. તે માર્ગ અરુણવર સમુદ્રમાં છે. તે સમુદ્રકાંઠાથી છસો પંચાવન કરોડ, પાંત્રીસ લાખ પચાસ હજાર + ૪૨,૦૦૦ + ૧,૦૨૨ = ૬૫૫,૩૫,૯૩,૦૨૨ (છસો પંચાવન કરોડ, પાંત્રીસ લાખ, ત્રાણુ હજાર, બાવીસ) યોજન દૂર છે.
૮૯
