________________
કરનારને ખૂબ બદલો આપે છે. ગુલામશાહ તો દિલના દરિયા છે, સખાવતે સિકંદર છે.'
ગુલામશાહે કહ્યું, ‘તમે જાગીરદારના પુત્રો છો . આ દેશ અજબ છે. લોકો તો ગજબના છે! દેશને જ્યારે તમારી પડી નથી તો તમને દેશની શી પડી હોય ! અરે ! આપ મૂએ, પીછું ડૂબ ગઈ દૂનિયા ! અહીંના લોકોને તમારી કિંમત નથી, પણ મારા દરબારનાં તો તમે રત્ન છો. મારું એક કામ કરો. તમને જીવણ શેઠની કચ્છી છાવણીના ટૂંકા માર્ગની ખબર હશે. તમે મારા લશ્કરને એ માર્ગ બતાવો. કોઈ છૂપે રસ્તે છાપો મારી શકાય એવી જગા પણ બતાવો. તમને ખૂબ-ખૂબ બાદશાહી માન-અકરામ મળશે. જાગીર મળશે. જિંદગી અમન-ચમન અને ઇજ્જતથી પસાર થશે.'
ભીમજીએ કહ્યું, “મહારાજ, બીજું કોઈ કામ હોય તો કહો, પણ માભોમની છાતીમાં અમારાથી ઘા ન થાય.'
બાદશાહ ગુલામશાહે કહ્યું, “અરે ! તમારું આટલું અપમાન થાય, તોય તમારી મા ! અરે, ધૂળ-માટીમાં શું ભર્યું છે ?”
વીસાજી બોલ્યો, “નામદાર, અમને અમારી માતા જેટલી જ જન્મભૂમિ વહાલી છે. મા ગમે તેવી હોય તોય કોઈ વેચે ખરું?”
પંજો શેઠ બાજી વણસતી જોઈ બોલ્યો, ‘પણ જુઓ, તમને લશ્કરમાં પણ ન રાખ્યા. બેઇજ્જતી કરીને હાંકી કાઢ્યા. તમને આવું ઘોર અપમાન ખટકતું નથી ? તમારે એનો બદલો લેવો જોઈએ. એ માટે આ સોનેરી તક
કેડે કટારી, ખભે ઢાલ
ભીમજીએ કહ્યું, ‘અપમાનની આગ અમારા હૃદયમાં ભભૂકી રહી જ છે, પણ એને આ પરદેશીઓના મલિન જળથી બુઝાવવી નથી. જરૂર
પડશે તો એને બુઝાવવા અમારું લોહી વાપરીશું. અને પૂંજા શેઠ ! એક નાચીઝ દીવાનગીરી ખાતર તમારા જેમ કોઈ દેશને વેચવા ન નીકળે.'
ચતુર ગુલામશાહે કહ્યું, “અરે, તમે જાગીરદારના બેટા છો. તમને ૪ જાગીરની પડી નથી પણ તમારી માતાને દીકરા જાગીરદાર થાય એની _ એટલી હોંશ હશે ! માતાનું મન રાજી કરવાનો આ મોકો મળ્યો છે. મોં 8 ધોવા ન જશો.”
