________________
અંતરજારનો એકેએક યુવાન રણમલની મદદે આવ્યો. આ વખતે અંતરજારમાં આહીરોની સાત વીસુ જાન આવેલી. આહીરોનો મોટો વિવાહ હતો, પણ જાનની વાત મૂકી રણની વાત થવા લાગી. સહુ કોઈ રણમલની મદદે આવ્યા. ( વિશાળ શાહી સૈન્ય સાથે રણમલનું લશ્કર ખૂબ ઝઝૂમ્યું. જોરથી ધસારો કરીને બાદશાહી સૈન્યનો ઘાણ કાઢી નાખ્યો, પણ બાદશાહી સૈન્યના સંખ્યાબળના હિસાબમાં રણમલનું સૈન્ય કશી વિસાતમાં ન હતું.
રણમલ પર ચારે તરફથી તલવારો વીંઝાતી હતી, છતાં પણ ઘાયલ રણમલે પૂરી તાકાતથી ખિલચીખાન પર કૂદીને તલવારનો ઘા કર્યો. ખિલચીખાનનું મસ્તક ધડ પરથી નીચે દડી પડ્યું.
ઘાયલ રણમલ પણ ત્યાં જ રણમેદાનમાં સૂતો.
આહીરોની સાત વીસું જાનના માણસો પણ લગ્નના માંડવે મહાલવાને બદલે રણના માંડવે મરદાઈના ખેલ ખેલીને પોઢી ગયા.
રણબંકો રણમલ E
