________________
વીરપુત્ર વીંઝાર
આખા શહેરમાં અચરજ ફેલાઈ ગયું. સહુ વિચારમાં પડી ગયા કે આમ બને કેવી રીતે ?
આટઆટલી તકેદારી છતાં ચોર મહેલમાં પેસી જાય કેવી રીતે? મહેલમાં પ્રવેશે એ તો ઠીક, પણ રાજની તિજોરી ખાલી કરી નાખે, એ કેમ બને? એય બને, પણ જે ખાટ પર રાજા વિશળ વાઘેલો સૂતો હતો, એ ખાટ કેવી રીતે ગાયબ થઈ જાય ?
કોઈને સમજાતું જ નથી કે કાળા માથાનો માનવી આ કામ કરી શકે કેવી રીતે ? આ કામ કરનાર કોઈ ચોર હોઈ ન શકે, જાદુગર જ હોવો ઘટે.
વધારામાં ચોરને ચપટીમાં પકડી પાડવાનું ને તે માટે ભયંકર કાવતરું ગોઠવનાર ખુદ ઓધવજીનું માથું ખાઈના કાંપમાંથી મળ્યું !
આ બધું બને કેવી રીતે ? સહુ કોઈને આ ચમત્કાર જ લાગતો.
ખાઈમાંથી માથું અને ધડ બહાર કાઢવામાં આવ્યાં. ધડ પર કાળો કીટાડો જેવો કાંપ વીંટળાયેલો હતો. આથી એ કોનું ધડ છે તે ઓળખવું ૨ અઘરું હતું.
સહુ વિચારમાં પડ્યા. વિશળ વાઘેલાને કંઈ સમજ ન પડી. લાંબા વિચારને અંતે નક્કી કર્યું કે આ માથું ઓધવ મંત્રીનું છે, પણ આ જ ધડ ચોરના સાથીદારનું લાગે છે. પોતાનો સાથી ઓળખાઈ ન જાય એ T માટે એણે એનું માથું કાપી લીધું હશે અને એને ઠેકાણે ઓધવજી મંત્રીનું 50 માથું રાખી દીધું હશે.
કેડે કટારી, ખભે ઢાલ
