________________
जे घडले तोच न्याय
निसर्ग तर सदा न्यायीच आहे. निसर्गाचा जो न्याय आहे तेथे एक क्षण सुद्धा अन्याय झाला नाही. एक क्षण सुद्धा हा निसर्ग अन्यायी झाला नाही. कोर्टात अन्याय झाला असेल, परंतु निसर्ग कधी अन्यायी होत नाही.
निसर्गाच्या न्यायाला जर नीट ओळराल की 'घडले तोच न्याय' तर तुम्ही या जगातून मुक्त होऊ शकाल. पण जर निसर्गाला जरा सुद्धा अन्यायी समजाल तर मात्र तुम्ही या जगात गुरफटून जाल. निसर्गाला न्यायी मानणे यालाच ज्ञान म्हणतात. 'जसे आहे तसे' समजणे, याचे नाव ज्ञान, 'जसे आहे तसे' न समजणे याचे नाव अज्ञान.
या जगात न्याय शोधू नका. न्यायामुळेच साऱ्या जगात लढाया झाल्या आहेत. जग हे न्यायस्वरूपच आहे. म्हणून या जगात न्याय शोधूच नका. 'जे घडले तोच न्याय.' जे घडून गेले तोच न्याय. हे कोर्ट वगैरे बनलेत, ते न्याय शोधायला निघालात म्हणूनच ना! अरे माणसा! तिथे न्याय होतो का? त्यापेक्षा काय घडले ते पाहा ना! हाच न्याय आहे. न्याय-अन्यायाचे फळ हे सारे हिशोबाने येते आणि आपण आपला न्याय त्याच्यासोबत जॉइन्ट करायला (जोडायला) जातो. म्हणून मग कोर्टातच जावे लागेल ना?
आपण कोणाला एक शिवी दिली तर तो आपल्याला दोन-तीन शिव्या देईलच. कारण त्याचे मन आपल्यावरील रागाने धुमसत असते. तेव्हा यावर लोक काय म्हणतील? तू त्याला तीन शिव्या का दिल्या? ह्याने तर एकच शिवी दिली होती. तर यात न्याय काय आहे ? त्याने आम्हाला तीन शिव्या द्यायच्या अशाच हिशोबच होता. मागचा हिशोब तो वसूल करणार की नाही? निसर्गाचा न्याय आहे की मागचा हिशोब
४८
