________________
काही जात नाही यास आत्मानुभव म्हटले आहे. आत्मानुभव हा दुःखाला सुद्धा सुखात बदलवितो. आणि मिथ्यात्वीला तर सुखात सुद्धा दुःखं भासत असते.
हे अक्रम विज्ञान आहे म्हणूनच इतक्या लवकर समकित होत असते. हे तर अति उच्च प्रकारचे विज्ञान आहे. आम्ही आत्मा आणि अनात्मामध्ये म्हणजे आपली आणि परकी वस्तू याचे विभाजन करून देतो. हे एवढे तुमचे आणि हे तुमचे नाही. दोन्हीमध्ये फक्त विधीन वन अवर लाईन ऑफ डिमार्केशन ( एका तासातच भेदरेषा) आखून देतो. तुम्ही स्वतः जरी कितीही मेहनत केली, तरी लाखो जन्मानंतर सुद्धा हे शक्य होणार नाही.
'मला' भेटला तोच अधिकारी
प्रश्नकर्ता : हा मार्ग इतका सोपा आहे, तर मग अधिकार, (पात्रता) असे काहीच पाहायचे नाही ? प्रत्येकांसाठी हे संभव आहे का ?
दादाश्री : लोक मला विचारतात की, 'मी अधिकारी आहे का ?' तेव्हा मी सांगितले, ‘मला भेटला, म्हणून तू अधिकारी आहेस.' हे भेटणे म्हणजे त्या मागे सायन्टिफिक सरकमस्टेन्शियल एविडन्स आहे. म्हणजे मला जो कोणी भेटला, त्याला मी अधिकारी मानतो. हे कशाच्या आधारावर भेटतात? तर, अधिकारी आहेत या आधारावर ते मला भेटतात. मला भेटल्यानंतरही जर त्याला प्राप्ती होत नाही, तर त्याचे अंतराय कर्म त्याल बाधक आहेत.
क्रमात करायचे आणि अक्रमात......
एकदा, एका भाऊ ने प्रश्न केला की क्रम आणि अक्रममध्ये फरक काय आहे ? तेव्हा मी सांगितले की, क्रम म्हणजे, जसे की सगळे सांगतात की हे उलटे (चुकीचे) सोडा आणि सुलट (चांगले ) करा. नेहमी सर्वांनी
१७
