________________
या सर्व गोष्टी निघाल्या आहेत एवढेच, म्हणून तुम्ही या आज्ञेचे पालन करा. माझी आज्ञा नाही, दादा भगवानांची आज्ञा आहे. मी सुद्धा त्यांच्या आज्ञेतच राहतो ना!
८. क्रमिक मार्ग - अक्रम मार्ग
मोक्षाला जाण्याचे दोन मार्गः एक 'क्रमिक' मार्ग आणि दुसरा 'अक्रम' मार्ग. क्रमिक म्हणजे पायरी पायरीने वर चढणे. जसे जसे तुम्ही परिग्रह कमी करत जाल, तसे तुम्ही मोक्षापर्यंत पोहोचणार. ते सुद्धा बऱ्याच काळानंतर, आणि हे अक्रम विज्ञान म्हणजे काय ? पायऱ्या चढायच्या नाही. लिफ्टमध्ये बसायचे आणि थेट बाराव्या मजल्यावर पोहोचायचे, असा हा लिफ्टचा मार्ग निघाला आहे. सरळच लिफ्टमध्ये बसून, बायको मुलांसोबत आणि मुला-मुलींचे लग्न करवून, सर्व काही करून मोक्षाला जायचे. हे सर्व करून सुद्धा तुमचा मोक्ष हरवणार नाही. असा हा अक्रममार्ग, अपवाद मार्ग सुद्धा म्हटला जातो. तो दर दहा लाख वर्षानंतर प्रकट होत असतो. तेव्हा जे या लिफ्टमार्गात बसलेत त्यांचे तर कल्याण झाले. मी तर निमित्त आहे. जे ह्या लिफ्टमध्ये बसले त्यांचे प्रश्न तर सुटलेच ना! उपाय तर करावा लागेल. आम्ही मोक्षाला जाणारच आहोत पण त्या लिफ्टमध्ये बसल्याची खात्री - पुरावे सुद्धा असायला हवे की नाही ? त्याची खात्री म्हणजे क्रोध, मान, माया, लोभ होत नाही. आर्तध्यानरौद्रध्यान होत नाही, म्हणजे मग काम फत्ते झाले ना.
अक्रम करवितो सरळतेने आत्मानुभूती
क्रमिक मार्गात अत्याधिक प्रयत्न केल्यानंतर आत्मा आहे असे जाणवते, ते सुद्धा अगदी अस्पष्ट आणि लक्ष तर राहतच नाही. तेथे त्यांना लक्ष ठेवावे लागते की आत्मा असा आहे आणि अक्रम मार्गात तर तुम्हाला सरळ आत्मानुभवच होऊन जातो. डोके दुखो, भूक लागो, बाहेर भले कितीही अडचणी येवोत पण आतील शाता (सुख परिणाम )
१६
