Page Text
________________
ମାତା-ପିତା ଏବଂ ପିଲାଙ୍କ ବ୍ୟବହାର
ନହେଲେ ପିଲାମାନେ ଏପରି ନୁହନ୍ତି, ପିଲାମାନେ ଆଜ୍ଞାକାରୀ ଅଟନ୍ତି । ଏ ତ ମାତା-ପିତାଙ୍କର ହିଁ ଠିକଣା ନାହିଁ । କ୍ଷେତ ଯେମିତି, ବୀଜ ଯେମିତି, ମାଲ(ଫଳ) ମଧ୍ୟ ସେମିତି ! ଉପରୁ କୁହେ ଯେ ‘ମୋ ପିଲା ମହାବୀର ହେବେ ।’ ଏମିତି ମହାବୀର ହେଉଥିବେ ? ମହାବୀର ର ମା ତ’ କିଭଳି ହେବା ଉଚିତ ! ! ବାପ ଏମିତି–ସେମିତି ହେବ ତେବେ ଚଳିବ, କିନ୍ତୁ ମା ତ କିଭଳି ହୋଇଥବ ? !
୧୨
ଏଥୁରୁ କିଛି କଥା ତୁମକୁ ପସନ୍ଦ ଆସିଲା ?
ପ୍ରଶ୍ନକର୍ତ୍ତା : ଏହି କଥା ଯଦି ପସନ୍ଦ ଆସେ, ତେବେ ତାହାର ପ୍ରଭାବ ଆପେ
ଆପେ ହୋଇଯାଏ ।
ଦାଦାଶ୍ରୀ : ବହୁତ ଲୋକ ପୁଅକୁ କୁହନ୍ତି ଯେ, ‘ତୁ ମୋ କଥା ମାନୁନାହୁଁ ।’ ମୁଁ କହିଲି ‘ ତୁମ ବାଣୀ ତା’କୁ ପସନ୍ଦ ହେଉନାହିଁ, ଯଦି ପସନ୍ଦ ହେଉଥିବ ତେବେ ଆପେଆପେ ପ୍ରଭାବ ପଡ଼ିଯିବ ।’ ଆଉ ବାପ କୁହେ, ‘ତୁ ମୋ କଥା ମାନୁନାହୁଁ ।’ ଆରେ !, ତୋତେ ବାପ ହେବା ଆସିଲା ନାହିଁ । ଏହି କଳିଯୁଗରେ ଲୋକଙ୍କ ଦଶା ତ ଦେଖ ! ନହେଲେ ସତ୍ୟଯୁଗରେ ତ କିଭଳି ମାତା-ପିତା ଥିଲେ !
ମୁଁ ଏହା ଶିଖାଇବାକୁ ଚାହୁଁଛି ଯେ ତୁମେ ଏପରି କୁହ ଯେ ପିଲାମାନଙ୍କୁ ତୁମ କଥାରେ ଇଣ୍ଟେସ୍ଟ(ରୁଚି) ଆସିବ, ସେତେବେଳେ ସେମାନେ ତୁମ କହିବା ଅନୁସାରେ ହିଁ କରିବେ । ତୁମେ ମୋତେ କହିଲ ନା ଯେ ମୋ କଥା ତୁମକୁ ପସନ୍ଦ ଆସୁଛି । ତେବେ ତୁମଦ୍ଵାରା ଏତିକି ହୋଇପାରିବ ।
ପ୍ରଶ୍ନକର୍ତ୍ତା : ଆପଣଙ୍କ ବାଣୀର ପ୍ରଭାବ ଏପରି ପଡୁଛି ଯେ ବୁଦ୍ଧି ଯେଉଁ ପଜିଲ୍ର ସମାଧାନ ନ ଖୋଜିପାରେ, ତାହାର ସମାଧାନ ଏହି ବାଣୀ ଆଣି ପାରେ । ଦାଦାଶ୍ରୀ : ହୃଦୟସ୍ପର୍ଶୀ ବାଣୀ । ତାହା ମଦରଲୀ(ମାତୃତ୍ଵଭରା) କୁହାଯାଏ । ହୃଦୟସ୍ପର୍ଶୀ ବାଣୀ ଯଦି କେହି ବାପ ନିଜ ପୁଅକୁ କୁହେ, ତେବେ ସେ ସାର୍ଟିଫାଏଡ଼ ଫାଦର କୁହାଯିବ !
ପ୍ରଶ୍ନକର୍ତ୍ତା : ପିଲାମାନେ ଏତେ ସହଜରେ ମାନନ୍ତି ନାହିଁ ।
ଦାଦାଶ୍ରୀ : ତେବେ କ’ଣ ହିଟଲରୀଜମ୍(ଜବରଦସ୍ତି) ଦ୍ଵାରା ମାନନ୍ତି ? ଯଦି ହିଟଲରୀଜମ୍ କରିବା ତେବେ ତାହା ହେଲ୍ସଫୁଲ୍(ସହାୟକ) ନୁହେଁ । ପ୍ରଶ୍ନକର୍ତ୍ତା : ସେମାନେ ମାନନ୍ତି କିନ୍ତୁ ବହୁତ ବୁଝାଇବା ପରେ । ଦାଦାଶ୍ରୀ : ସେଥିରେ କୌଣସି ଅସୁବିଧା ନାହିଁ । ତାହା ନ୍ୟାୟସଙ୍ଗତ
| SR No. | 034315 |
| Book Title | Generation Gap Oriya |
| Original Sutra Author | N/A |
| Author | Dada Bhagwan |
| Publisher | Dada Bhagwan Aradhana Trust |
| Publication Year | |
| Total Pages | 118 |
| Language | Oriya |
| Classification | Book_Other |
| File Size | 48 MB |