________________
ಮೃತ್ಯು ಸಮಯದಲ್ಲಿ
ಮಕ್ಕಳಿಗೆ ಬಾಧೆಗಳು ಯಾಕೆ?
ಪ್ರಶ್ಯಕರ್ತ: ದೋಷವೇ ಮಾಡದ ಮಕ್ಕಳಿಗೆ ಶಾರೀರಿಕ ನೋವನ್ನು ಅನುಭವಿಸಬೇಕಾಗಿ ಬರುತ್ತದೆಯಲ್ಲ, ಅದಕ್ಕೆ ಕಾರಣವೇನು?
ದಾದಾಶ್ರೀ: ಮಗುವಿನ ಕರ್ಮದ ಉದಯವು ಮಗುವಿಗೆ ಅನುಭವಿಸಬೇಕಾಗುತ್ತದೆ ಹಾಗೂ ತಾಯಿಯಾದವಳು, ಅದನ್ನು ನೋಡಿ ದುಃಖವನ್ನು ಅನುಭವಿಸಬೇಕಾಗಿದೆ. ಮೂಲದಲ್ಲಿ ಮಗುವಿನ ಕರ್ಮವಾಗಿದೆ, ಅದರಲ್ಲಿ ತಾಯಿಯ ಅನುಮೋದನೆ ಇದುದರಿಂದ 'Mother' ಕೂಡಾ ಅದನ್ನು ನೋಡಿ ಅನುಭವಿಸಬೇಕಾಗಿದೆ. ಮಾಡುವುದು, ಮಾಡಿಸುವುದು ಹಾಗೂ ಅನುಮೋದಿಸುವುದು (ಸಮ್ಮತಿಸುವುದು)-ಈ ಮೂರೂ ಕರ್ಮದ ಬಂಧನಕ್ಕೆ ಕಾರಣವಾಗಿವೆ.
ಮನುಷ್ಯ ಜನ್ಮದ ಪ್ರಾಮುಖ್ಯತೆ!
ಮನುಷ್ಯ-ದೇಹದಲ್ಲಿ ಬರುವ ಮೊದಲು ಇರುವ ಗತಿಗಳು ಯಾವುವೆಂದರೆ, ದೇವಗತಿ, ತಿರ್ಯಂಚ (ಪಶು, ಪಕ್ಷಿ ಹಾಗು ವನಸ್ಪತಿ) ಮತ್ತು ನರಕ ಗತಿ. ಈ ಗತಿಗಳಿಗೆಲ್ಲಾ ಹೋಗಿ ಬಂದಮೇಲೆ ಮನುಷ್ಯ ದೇಹವು ಸಿಗುವುದು. ಅಲ್ಲದೆ ಈ ಎಲ್ಲಾ ಅಲೆದಾಟಕ್ಕೆ ಅಂತ್ಯವೂ ಮನುಷ್ಯ ದೇಹದಿಂದಲೇ ಸಿಗುವುದು. ಈ ಮನುಷ್ಯ-ದೇಹವನ್ನು ಸಾರ್ಥಕವಾಗಿಸಿಕೊಳ್ಳಲು ಕಲಿತುಕೊಂಡರೆ, ಆಗ ಮೋಕ್ಷವನ್ನು ಪ್ರಾಪ್ತಿ ಮಾಡಿಕೊಳ್ಳುವ ಸಾಧ್ಯತೆ ಇದೆ ಹಾಗೂ ಅದನ್ನು ಕಲಿಯದೇ ಹೋದರೆ ಆಗ ಅಲೆದಾಟದ ಸಾಧನಗಳು ಇನ್ನೂ ಅಧಿಕವಾಗಿ ದೊರಕಿಕೊಂಡು ಬರುವ ಸಾಧ್ಯತೆಯೂ ಇದೆ! ಬೇರೆ ಗತಿಗಳಲ್ಲಿ ಕೇವಲ ಬಿಡುಗಡೆ ಇದೆ. ಆದರೆ ಇಲ್ಲಿ ಎರಡೂ ಇದೆ, ಬಿಡುಗಡೆಯು ಇದೆ ಹಾಗೂ ಜೊತೆ-ಜೊತೆಗೆ ಬಂಧನವೂ ಕೂಡಾ ಇದೆ. ಹಾಗಾಗಿ ದುರ್ಲಭವಾದ ಮನುಷ್ಯ-ದೇಹವು ಪ್ರಾಪ್ತವಾಗಿರುವಾಗ, ಅದರಿಂದ ಕೆಲಸವನ್ನು ಮಾಡಿಕೊಳ್ಳಬೇಕು. ಅನಂತ ಅವತಾರ ಆತ್ಮವನ್ನು ದೇಹಕ್ಕಾಗಿ ವ್ಯಯ ಮಾಡಲಾಗಿತ್ತು. ಈಗ ಈ ಒಂದು ಅವತಾರದ ಯಾವ ದೇಹವಿದೆಯೋ ಅದನ್ನು ಆತ್ಮಕ್ಕಾಗಿ ವ್ಯಯ ಮಾಡಿದರೆ, ಆಗ ಕೆಲಸವೇ ಆಗಿಹೋಗುತ್ತದೆ!
ಮನುಷ್ಯ-ದೇಹದಲ್ಲಿರುವಾಗ ಯಾರಾದರೂ 'ಜ್ಞಾನಿ ಪುರುಷರು' ದೊರೆತರೆ, ಆಗ ಮೋಕ್ಷದ ಉಪಾಯವು ದೊರಕಿಬಿಡುತ್ತದೆ. ದೇವಲೋಕದವರೂ ಸಹ ಮನುಷ್ಯ-ದೇಹವನ್ನು ಪಡೆಯಲು ಆತುರರಾಗಿರುತ್ತಾರೆ. ಜ್ಞಾನಿ ಪುರುಷರ ಭೇಟಿಯಾಗುವ ಸಂಯೋಗವು ದೊರೆತಾಗ, ಅನಂತ ಅವತಾರದಿಂದ ಶತ್ರು ಸಮಾನವಾಗಿದ್ದ ಈ ದೇಹವು, ಈಗ ಪರಮ ಮಿತ್ರನಾಗಿ
