________________
46
ಮೃತ್ಯು ಸಮಯದಲ್ಲಿ | ಬರುವಂಥದ್ದಾಗಿರುತ್ತದೆ. ಅದುಬಿಟ್ಟು ಸಾವಿರಾರು ಅಥವಾ ಲಕ್ಷಗಟ್ಟಲೆ ವರ್ಷಗಳಷ್ಟು ಇರುವುದಿಲ್ಲ. ಅದರಲ್ಲಿಯೂ ಕೆಲವರು ಐದು ವರ್ಷವಷ್ಟೇ ಜಾನುವಾರು ಗತಿಗೆ ಹೋಗಿ ಬರುತ್ತಾರೆ. ಹಾಗಾಗಿ ಜಾನುವಾರು ಗತಿಗೆ ಹೋಗುವುದನ್ನು ಅಪರಾಧವೆಂದು ಲೆಕ್ಕಕ್ಕೆ ತೆಗೆದುಕೊಳ್ಳಬೇಡಿ. ಬಡಪಾಯಿ ಜನರು, ಅಲ್ಲಿಂದ ತಕ್ಷಣವೇ ಬಂದುಬಿಡುತ್ತಾರೆ. ಯಾಕೆಂದರೆ, ಅಂತಹ ದೊಡ್ಡ ಪಾಪವನ್ನೇನೂ ಮಾಡಿರುವುದೇ ಇಲ್ಲವಲ್ಲ! ಅವರಲ್ಲಿ ಅಂತಹ ಪಾಪಗಳನ್ನು ಮಾಡುವ ಶಕ್ತಿಯಾದರೂ ಎಲ್ಲಿದೆ?
ಹಾನಿವೃದ್ಧಿಯ ನಿಯಮ!
ಪ್ರಶ್ಯಕರ್ತ: ಈ ಮನುಷ್ಯರ ಜನಸಂಖ್ಯೆ ಹೆಚ್ಚಾಗುತ್ತಲೇ ಇದೆ, ಇದರಿಂದಾಗಿ ಜಾನುವಾರುಗಳು ಕಡಿಮೆಯಾಗಿವೆ ಎಂದು ಅರ್ಥೈಸಿ ಕೊಳ್ಳುವುದೇ?
ದಾದಾಶ್ರೀ: ಹೌದು, ನಿಜವೇ, ಎಷ್ಟು ಆತ್ಮಗಳಿವೆ, ಅಷ್ಟೇ ಆತ್ಮಗಳು ಇರುತ್ತವೆ. ಆದರೆ Conversion (ರೂಪಾಂತರ) ಆಗುತಲಿರುತ್ತದೆ. ಒಮ್ಮೆ ಮನುಷ್ಯರು ಜಾಸ್ತಿಯಾದಾಗ ಜಾನುವಾರುಗಳು ಕಡಿಮೆಯಾಗುತ್ತವೆ ಹಾಗೂ ಮತ್ತೊಮ್ಮೆ ಜಾನುವಾರುಗಳು ಜಾಸ್ತಿಯಾದಾಗ ಮನುಷ್ಯರು ಕಡಿಮೆಯಾಗುತ್ತಾರೆ. ಹೀಗೆ conversion ಆಗುತ್ತಲೇ ಇರುತ್ತದೆ. ಇನ್ನು ಮುಂದಕ್ಕೆ ಮನುಷ್ಯರು ಕಡಿಮೆಯಾಗಲಿದ್ದಾರೆ. ಈಗಾಗಲೇ 1993ನೇ ಸಾಲಿನಿಂದ ಕಡಿಮೆಯಾಗಲು ಪ್ರಾರಂಭವಾಗಿದೆ!
ಜನರು calculation (ಗಣನೆ) ಮಾಡುತ್ತಲೇ ಇರುತ್ತಾರೆ, ಏನೆಂದರೆ 2000ನೆ ಸಾಲಿನಲ್ಲಿ ಹೀಗಾಗುತ್ತದೆ, ಹಾಗಾಗುತ್ತದೆ. ಹಿಂದೂಸ್ಥಾನದಲ್ಲಿ ಜನಸಂಖ್ಯೆ ಹೆಚ್ಚಾದರೆ ನಾವು ತಿನ್ನುವುದು ಏನು? ಹೀಗೆ calculations ಮಾಡುತ್ತಿರುತ್ತಾರೋ, ಇಲ್ಲವೋ? ಇದು ಯಾವ ರೀತಿಯಾಗಿದೆ ಎಂದು simile (ಹೋಲಿಸಿ) ಹೇಳಲೇ?
ಒಬ್ಬ ಹದಿನಾಲ್ಕು ವರ್ಷದ ಹುಡುಗ, ಅವನ ಎತ್ತರ ನಾಲ್ಕು ಅಡಿ, ನಾಲ್ಕು ಇಂಚು ಆಗಿರುತ್ತದೆ ಹಾಗೂ ಅವನು ಹದಿನೆಂಟನೇ ವಯಸ್ಸಿಗೆ ಬಂದಾಗ, ಐದು ಅಡಿ ಎತ್ತರಕ್ಕೆ ಬೆಳೆಯುತ್ತಾನೆ. ಆಗ ಏನು ಹೇಳುತ್ತಾರೆ, ನಾಲ್ಕು ವರ್ಷದಲ್ಲಿ ಎಂಟು ಇಂಚು ಹೆಚ್ಚಾಗಿದೆ ಎಂದು. ಹಾಗಾದರೆ ಎಪ್ಪತ್ತು ವರ್ಷಕ್ಕೆ ಎಷ್ಟು ಆಗಬಹುದು? ಈ ರೀತಿಯಲ್ಲಿ calculation ಮಾಡಿದ ಹಾಗೆ, ಜನಸಂಖ್ಯೆಯನ್ನು ಕೂಡಾ calculation ಮಾಡುತ್ತಾರೆ!
