________________
ಮೃತ್ಯು ಸಮಯದಲ್ಲಿ ಅದರ 'ಮೆದುಳು' ಪಕ್ವವಾಗಿರುವುದಿಲ್ಲ. ಎಲ್ಲಾ ಅಂಗಾಂಗಗಳು ಅಪಕ್ವವಾಗಿರುತ್ತವೆ, ಏಕೆಂದರೆ ಅದು ಏಳನೇ ತಿಂಗಳಲ್ಲಿ ಹುಟ್ಟಿರುವುದರಿಂದ, ಮತ್ತು ಹದಿನೆಂಟು ತಿಂಗಳಲ್ಲಿ ಹುಟ್ಟಿದರೆ, ಅದರ ವಿಚಾರವೇ ಬೇರೆ. ಅಲ್ಲಿ ಬಹಳ 'ಹೈ ಲೆವೆಲ್'ನ ಮೆದುಳು ಇರುತ್ತದೆ. ಆದುದರಿಂದ ಒಂಬತ್ತು ತಿಂಗಳಿಗಿಂತ ಎಷ್ಟು ಹೆಚ್ಚು ತಿಂಗಳು ಮುಂದಕ್ಕೆ ಹೋಗುವುದೋ, ಅಷ್ಟು ಟಾಪ್ ಮೆದುಳು ಅವರಿಗೆ ಇರುತ್ತದೆ, ತಿಳಿದಿದೆಯೇ ಇದು?
ಯಾಕೆ ಮಾತನಾಡುತ್ತಿಲ್ಲ? ನೀವು ಕೇಳಿಲ್ಲವೇ, ಹದಿನೆಂಟು ತಿಂಗಳು ಇರುವಂಥದ್ದು! ಕೇಳಿದ್ದೀರಾ? ಈ ಹಿಂದೆ ಎಲ್ಲಿಯೂ ಕೇಳಿಲ್ಲ, ಅಲ್ಲವೇ? ಇದು ಕೆಲವರು ಮಾತಿಗೆ ಹೇಳುತ್ತಾರೆ, 'ಬಿಟ್ಟುಬಿಡಿ, ಅವನು ಅವನ ತಾಯಿಗೆ ಹದಿನೆಂಟು ತಿಂಗಳಿಗೆ ಹುಟ್ಟಿದವನು,' ಎಂದು! ಅಂಥವರು ಬಹಳ ಚುರುಕಾಗಿ ಇರುತ್ತಾರೆ. ಅವನ ತಾಯಿಯ ಹೊಟ್ಟೆಯಿಂದ ಹೊರಗೆ ಬರಲು ಇಚ್ಚಿಸುವುದೇ ಇಲ್ಲ. ಹೆಚ್ಚು ತಿಂಗಳವರೆಗೆ ಅಲ್ಲಿಯೇ ಜಂಬಹೊಡೆದುಕೊಂಡು ಇರುತ್ತಾರೆ.
ನಡುವಿನ ಸಮಯ ಎಷ್ಟು?
ಪ್ರಶ್ಯಕರ್ತ: ಈ ದೇಹವನ್ನು ಬಿಟ್ಟುಹೋಗುವುದು ಹಾಗೂ ಮತ್ತೊಂದು ದೇಹವನ್ನು ಧಾರಣೆ ಮಾಡುವುದರ ನಡುವೆ ಎಷ್ಟು ಸಮಯ ತೆಗೆದುಕೊಳ್ಳುತ್ತದೆ?
ದಾದಾಶ್ರೀ: ಏನೂ ಸಮಯವನ್ನು ತೆಗೆದುಕೊಳ್ಳುವುದಿಲ್ಲ. ಇಲ್ಲಿಯೂ ಇರುತ್ತದೆ, ಇನ್ನೇನು ಈ ದೇಹದಿಂದ ಹೊರಡಬೇಕಾಗಿರುವಾಗಲೇ, ಅಲ್ಲಿಯು ಗರ್ಭದೊಳಗೆ ಕೂಡಾ ಹಾಜರಿ ಇರುತ್ತದೆ. ಕಾರಣವೇನೆಂದರೆ, ಅದು ಟೈಮಿಂಗ್ ಅನುಸಾರವಾಗಿದೆ. ವೀರ್ಯ ಹಾಗೂ ರಜದ ಸಂಯೋಗದ ಸಮಯಕ್ಕೆ ಸರಿಯಾಗಿ, ಇಲ್ಲಿಂದ ದೇಹವನ್ನು ಬಿಡುತ್ತಿರುವಾಗಲೇ, ಮೊದಲು ಅಲ್ಲಿ ಸಂಯೋಗ ಉಂಟಾಗುತ್ತದೆ. ಸಂಯೋಗವು ಸಜ್ಜಾಗಿರುತ್ತದೆ, ಹಾಗೆ ಎಲ್ಲಾ ಹೊಂದಾಣಿಕೆಯಾದ ಮೇಲೆ ಇಲ್ಲಿಂದ ದೇಹವನ್ನು ಬಿಟ್ಟುಹೋಗುತ್ತದೆ. ಇಲ್ಲವಾದರೆ ಇಲ್ಲಿಂದ ಹೋಗುವುದೇ ಇಲ್ಲ. ಮನುಷ್ಯನು ಮೃತ್ಯು ಹೊಂದಿದ ಮೇಲೆ, ಆ ಆತ್ಮ ಇಲ್ಲಿಂದ ಸೀದಾ ಇನ್ನೊಂದು ಗರ್ಭದಲ್ಲಿ ಸೇರಿಕೊಳ್ಳುತ್ತದೆ. ಹಾಗಾಗಿ ಮುಂದಕ್ಕೆ ಏನಾಗುತ್ತದೆ, ಎಂಬ ಚಿಂತೆ ಮಾಡಬೇಕಾಗಿಯೇ ಇಲ್ಲ. ಏಕೆಂದರೆ, ಮರಣದ ನಂತರ ಮತ್ತೊಂದು ಗರ್ಭವು ಪ್ರಾಪ್ತಿಯಾಗಿ ಬಿಡುವುದಲ್ಲದೆ, ಆ ಗರ್ಭದಲ್ಲಿ ಕುಳಿತ ಕ್ಷಣದಿಂದಲೇ ತಿನ್ನಲು ಆಹಾರ, ಎಲ್ಲವೂ ದೊರಕುತ್ತದೆ.
