________________
मृत्यूवेळी, आधी आणि नंतर
त्याला ओळखल्याशिवाय जे काही केले जाते, ते सगळे त्याला फायद्याचे नाही, की हेल्पिंग नाही. आधी आत्मा जाणाल तर पूर्ण निराकरण होईल.
पुर्नजन्म कोणाचा? प्रश्नकर्ता : पुर्नजन्म कोण घेतो? जीव घेतो की आत्मा घेतो?
दादाश्री : नाही. कोणालाही घ्यावा लागत नाही, मिळून जातो. हा संपूर्ण जग ‘इट हेपन्स'च (आपल्या आपणच चालणारे) आहे.
प्रश्नकर्ता : हो, पण तो (पुर्नजन्म) कोणापासून होतो? जीवापासून होतो की आत्म्यापासून?
दादाश्री : नाही, आत्म्याला काही घेणे-देणे नाही. सर्वकाही जीवापासूनच आहे. ज्याला भौतिक सुख पाहिजे, त्याला योनीमध्ये प्रवेश करण्याचा 'राईट' (अधिकार) आहे. ज्याला भौतिक सुख नको असेल? त्याचा योनीमध्ये प्रवेश करण्याचा राईट राहत नाही.
संबंध जन्मोजन्मीचा प्रश्नकर्ता : मनुष्याच्या प्रत्येक जन्माचा पुर्नजन्माशी संबंध आहे का?
दादाश्री : प्रत्येक जन्म हा पुर्नजन्मच असतो. प्रत्येक जन्माचा संबंध पुर्नजन्माशीच असतो.
प्रश्नकर्ता : परंतु पुर्नजन्माचे या जन्माशी काय घेणे-देणे आहे ?
दादाश्री : अरे, पुढच्या जन्मासाठी हा पूर्वजन्म झाला. आधीचा जन्म, तो पूर्वजन्म आहे, तर हा जन्म आहे तो पुढच्या जन्माचा पूर्वजन्म म्हटला जाईल.
प्रश्नकर्ता : हो, ही गोष्ट खरी आहे. पण पूर्वजन्मात असे काही घडते का, ज्याचा या जन्मात काही संबंध असतो?
