________________ 55. प्रत्यक्षमेवैकं प्रमाणमित्यादि संख्याभासम्। 56. लौकायतिकस्य प्रत्यक्षतः परलोकादिनिषेधस्य परबुद्ध्यादेश्चासिद्धरतद्विषयत्वात्। 57. सौगतसांख्ययोगप्राभाकरजैमिनीयानां प्रत्यक्षानमानागमोपमानार्थापत्त्यभावैरेकैकाधिकैर्व्याप्तिवत्। 58. अनुमानादेस्तद्विषयत्वे प्रमाणान्तरत्वम्। 59. तर्कस्येव व्याप्तिगोचरत्वे प्रमाणान्तरत्वम् अप्रमाणस्याव्यवस्थापकत्वात्। 60. प्रतिभासभेदस्य च भेदकत्वात्। 61. विषयाभासः सामान्यं विशेषो द्वयं वा स्वतन्त्रम्। 62. तथाऽप्रतिभासनात्कार्याकरणाच्च। 63. समर्थस्य करणे सर्वदोत्पत्तिरनपेक्षत्वात्। 64. परापेक्षणे परिणामित्वमन्यथा तदभावात्। 65. स्वयमसमर्थस्य अकारकत्वात्पूर्ववत्। 66. फलाभासं प्रमाणादभिन्न भिन्नमेव वा। 67. अभेदे तद्व्यवहारानुपपत्तेः। 68. व्यावृत्त्याऽपि न तत्कल्पना फलान्तराव्यावृत्त्याऽफलत्वप्रसङ्गात्। 69. प्रमाणान्तराद् व्यावृत्त्येवाप्रमाणत्वस्य। 70. तस्माद्वास्तवो भेदः। 71. भेदे त्वात्मान्तरवत्तद्नुपपत्तेः। 72. समवायेऽतिप्रसङ्गः। 73. प्रमाणतदाभासौ दुष्टतयोद्भावितौ परिहृतापरिहृतदोषौ वादिनः साधनतदाभासौ प्रतिवादिनो दूषणभूषणे च। 74. संभवदन्यद्विचारणीयम्। परीक्षामुखमादर्श हेयोपादेयतत्त्वयोः। संविदे मादृशो बालः परीक्षादक्षवद्व्यधाम्॥1॥ इति परीक्षामुखसूत्रं समाप्तम्।। प्रमेयकमलमार्तण्डसार::373
