________________
આવશ્યક નિર્યુક્તિ
८६७ तो समणो जइ सुमणो, भावेण य जइ ण होइ पावमणो ।
सयणे य जणे य समो, समो य माणावमाणेसु ॥१०॥ ८६८ णत्थि य सि कोइ वेसो, पिओ व सव्वेसु चेव जीवेसु ।
एएण होइ समणो, एसो अण्णो वि पज्जाओ ॥११॥ ८६६ वंदिज्जमाणा न समुक्कसंति, हीलिज्जमाणा न समुज्जलंति ।
दंतेण चित्तेण चरंति धीरा, मुणी समुग्धाइयरागदोसा ॥१२॥ ११०६ समणं वंदिज्ज मेहावी, संजयं सुसमाहियं ।
पंचसमिय-तिगुत्तं, असंजम-दुगुंछगं ॥१३॥ ११९४ किइकम्मं च पसंसा, संविग्गजणंमि निज्जरट्ठाए ।
जे जे विरईठाणा, ते ते उववूहिया होति ॥१४॥ ११३१ लिंगं जिणपण्णत्तं, एवं नमंतस्स निज्जरा विउला ।
जइ वि गुणविप्पहीणं, वंदइ अज्झप्पसोहीए ॥१५॥ ११२५ अपुव्वं दणं, अब्भुट्ठाणं तु होइ कायव्वं ।
साहुमि दिठ्ठपुव्वे, जहारिहं जस्स जं जोग्गं ॥१६॥ ११२६ मुक्कधुरासंपागडसेवी-चरणकरणपब्भटे ।
लिंगावसेसमित्ते, जं कीरइ तं पुणो वोच्छं ॥१७॥ ११२७ वायाइ नमोक्कारो, हत्थुस्सेहो य सीसनमणं च ।
संपुच्छणऽच्छणं, छोभवंदणं वंदणं वा वि ॥१८॥ ११२८ परियायपरिसपुरिसे, खित्तं कालं च आगमं नच्चा ।
कारणजाए जाए, जहारिहं जस्स जं जुग्गं ॥१९॥ ११२९ एताई अकुव्वंतो, जहारिहं अरिहदेसिए मग्गे ।
न भवइ पवयणभत्ती, अभत्तिमंतादओ दोसा ॥२०॥
