________________
પિંડવિશુદ્ધિપ્રકરણ
ठवइ बलिं उव्वत्तइ, पिठराइ तिहा सपच्चवाया जा। देंतेसु एवमाइसु, ओघेण मुणी न गिण्हन्ति ॥८८॥ जोग्गमजोग्गं च दुवे वि, मिसिउं देइ जं तमुम्मीसं । इह पुण सचित्तमीसं, न कप्पमियरंमि उ विभासा ॥८९॥ अपरिणयं दव्वं चिय, भावो वा दोण्ह दाण एगस्स । जइणो वेगस्स मणे, सुद्धं नऽन्नस्सऽपरिणमियं ॥१०॥ दहिमाइलेवजुत्तं, लित्तं तमगेज्झमोहओ इहयं । संसट्ठमत्तकरसावसेसदव्वेहिं अडभंगा ॥११॥ एत्थ विसमेसु घेप्पइ, छड्डियमसणाइ होंतपरिसाडिं । तत्थ पडते काया, पडिए महुबिंदुदाहरणं ॥१२॥ इय सोलस सोलस दस, उग्गमउप्यायणेसणा दोसा । गिहिसाहूभयपभवा, पंच गासेसणाए इमे ॥१३॥ संजोयणा पमाणे, इंगाले धूम कारणे पढमा । वसहि बहिरंतरे वा, रसहेउं दव्वसंजोगा ॥१४॥ धिइबलसंजमजोगा, जेण ण हायंति संपइ पए वा। तं आहारपमाणं, जइस्स सेसं किलेसफलं ॥१५॥ जेणऽइबहु अइबहुसो, अइप्पमाणेण भोयणं भुत्तं । हादेज्जव वामेज्जव, मारेज्जव तं अजीरंतं ॥१६॥ अंगारसधूमोवम, चरणिंधणकरण भावओ जमिह । रत्तो दुट्ठो भुंजइ, तं अंगारं च धूमं च ॥१७॥ छुहवेयणवेयावच्च-संजमसुज्झाणपाणरक्खट्ठा । इरियं च विसोहेलं, भुंजइ न उ रूवरसहेऊ ॥९८॥
