________________
પ્રવચનસારોદ્ધાર સૂક્ત- રત્ન-મંજૂષા
७०९ अणावायमसंलोए, परस्साणुवघायए ।
समे अज्झुसिरे या वि, अचिरकालकयंमि य ॥५०॥ ७१० विच्छिन्ने दूरमोगाढे-ऽनासन्ने बिलवज्जिए ।
तसपाणबीयरहिए, उच्चाराईणि वोसिरे ॥५१॥ ७८६ दिसिपवणगामसूरियछायाए, पमज्जिऊण तिक्खुत्तो ।
जस्सोग्गहो त्ति काऊण, वोसिरे आयमेज्जा वा ॥५२॥ ७८७ उत्तरपुव्वा पुज्जा, जम्माए निसायरा अहिपडंति ।
घाणारिसा य पवणे, सूरियगामे अवन्नो उ ॥५३॥ ७८८ संसत्तग्गहणी पुण, छायाए निग्गयाए वोसिरइ ।
छायाऽसइ उहमि वि, वोसिरिय मुहत्तयं चिट्ठे ॥५४॥ ७८९ उवगरणं वामगजाणुगंमि, मत्तो य दाहिणे हत्थे ।
तत्थऽन्नत्थ व पुंछे, तिआयमणं अदूरंमि ॥५५॥ ७१९ पंच नियंठा भणिया, पुलाय बउसा कुसील निग्गंथा ।
होइ सिणाओ य तहा, एक्केक्को सो भवे दुविहो ॥५६॥ ७५० आलोयण पडिक्कमणे, मीस विवेगे तहा विउस्सग्गे।
तव छेय मूल, अणवट्ठिया य पारंचिए चेव ॥५७॥ ७६० इच्छा मिच्छा तहक्कारो, आवस्सिया निसीहिया ।
आपुच्छणा य पडिपुच्छा, छंदणा य निमंतणा ॥५८॥ ७६१ उवसंपया य काले, सामायारी भवे दसविहा उ ।
एएसिं तु पयाणं, पत्तेय परूवणं वोच्छं ॥५९॥ ७६२ जइ अब्भत्थिज्ज परं, कारणजाए करेज्ज से कोई।
तत्थ य इच्छाकारो, न कप्पइ बलाभिओगो उ॥६०॥
