________________
પ્રવચનસારોદ્ધાર સૂક્ત- રત્ન-મંજૂષા
४९१ पत्तं पत्ताबंधो, पायट्ठवणं च पायकेसरिया ।
पडलाइं रयत्ताणं च, गुच्छओ पायनिज्जोगो ॥३९॥ ४९२ तिन्नेव य पच्छागा, रयहरणं चेव होइ मुहपोत्ती ।
एसो दुवालसविहो, उवही जिणकप्पियाणं तु ॥४०॥ ४९९ एए चेव दुवालस, मत्तग अइरेग चोलपट्टो उ ।
एसो चउदसरूवो, उवही पुण थेरकप्पंमि ॥४१॥ ५१४ आयाणे निक्खिवणे, ठाणे निसियण तुयट्ट संकोए।
पुट्वि पमज्जणट्ठा, लिंगट्ठा चेव रयहरणं ॥४२॥ ५१५ संपाइमरयरेणूपमज्जणवा, वयंति मुहपोत्ती ।
नासं मुहं च बंधइ, तीए वसहिं पमज्जंतो ॥४३॥ ५१६ छक्कायरक्खणट्ठा, पायग्गहणं जिणेहिं पन्नत्तं ।
जे य गुणा संभोगे, हवंति ते पायगहणेऽवि ॥४४॥ ५१७ तणगहणानलसेवानिवारणा, धम्मसुक्कझाणट्ठा ।
दि8 कप्पग्गहणं, गिलाणमरणठ्ठया चेव ॥४५॥ ६५० सिज्जायरपिंडंमि य, चाउज्जामे य पुरिसजेटे य ।
किइकम्मस्स य करणे, ठियकप्पो मज्झिमाणं तु ॥४६॥ ६५१ आचेलक्कुद्देसिय, पडिक्कमणे रायपिंड मासेसु ।
पज्जुसणाकप्पंमि य, अट्ठियकप्पो मुणेयव्वो ॥४७॥ ६८१ देविंद राय गिहवइ, सागरि साहमि उग्गहे पंच ।
अणुजाणाविय साहूण, कप्पए सव्वया वसिउं ॥४८॥ ६९२ सुत्ते अत्थे भोयण काले, आवस्सए य सज्झाए ।
संथारे चेव तहा, सत्तेया मंडली जइणो ॥४९॥
