________________ ઉપદેશરહસ્ય 303 143 बज्झकिरियाविसेसे, ण णिसेहो वा विही व संभवइ / जं सो भावाणुगओ, तयत्थमंगीकया जयणा // 98 // 69 साभाविअं खलु सुहं, आयसभावस्स दंसणेऽपुव्वं / अणहीणमपडिवक्खं, सम्मद्दिट्ठीस्स पसमवओ // 19 // तिमिरहरा जइ दिट्ठी, जणस्स दीवेण णत्थि कायव्वं / तह सोक्खं सयमाया, विसया किं तत्थ कुव्वंति ? // 100 // अंतरधारालग्गे, सुहंमि बज्झं पि सुक्खमणुवडइ / जह नीरं खीरंमि, निच्छयओ भिन्नरूवं तु // 101 // 183 एवं जिणोवएसो, विचित्तरूवोऽपमायसारो वि / उचियावेक्खाइ च्चिय, जुज्जइ लोगाण सव्वेसि // 102 // 194 संबंधो कायव्वो, सद्धि कल्लाणहेउमित्तेहिं / सोअव्वं जिणवयणं, धरियव्वा धारणा सम्मं // 103 // 195 कज्जो परोवयारो, परिहरिअव्वा परेसिं पीडा य / हेया विसयपवित्ती, भावेयव्वं भवसरूवं // 104 // 196 पुज्जा पूएअव्वा, न निंदियव्वा य केइ जियलोए। लोगोऽणुवत्तिअव्वो, गुणरागो होइ कायव्वो // 105 // 197 अगुणे मज्झत्थत्तं, कायव्वं तह कुसीलसंसग्गी / वज्जेअव्वा जत्ता, परिहरिअव्वो पमाओ अ // 106 // 198 छिदिउमसुहविगप्पं, कोहाइकसायचायसुद्धीए / सहजं आयसरूवं, भावेअव्वं जहावसरं // 107 // 201 किं बहुणा ? इह जह जह, रागद्दोसा लहुं विलिज्जंति / तह तह पयट्टिअव्वं, एसा आणा जिणिदाणं // 108 //
