________________
૧૩૬
સંબોધપ્રકરણ સૂક્ત - રત્ન-મંજૂષા
१३९४ ओसारिइंधणभरो, जह परिहाइ कमसो हुयास व्व ।
थोवेंधणोवसेसो, निव्वाइ तओऽवणीओ य ॥१८॥ १३९५ तह विसयेंधणहीणो, मणोहुयासो कमेण तणुअंमी ।
विसइंधणे निरंभइ, निव्वाइ तओऽवणीओ य ॥१९॥ १४१२ चालिज्जइ बीहेइ व, धीरो न परीसहोवसग्गेहिं ।
सुहुमेसु न संमुज्झइ, भावेसु न देवमायासु ॥१००॥ १४१३ देहविवित्तं पिच्छइ, अप्पाणं तह य सव्वसंजोए ।
देहोवहिवुस्सग्गं, निस्संगो सव्वहा कुणइ ॥१०१॥ १४९७ ससल्लो जड़ वि कटुग्गं, घोरं वीरं तवं चरे ।
दिव्वं वाससहस्सं तु, तओ वि तं तस्स निष्फलं ॥१०२॥ १४९३ आलोयणापरिणओ, पावं फेडेइ सयलभवजणियं ।
जइ निस्सल्लगुणेहिं, ससल्लओ तं समज्जेइ ॥१०३॥ १५१० पक्खिय चाउम्मासे, आलोयणा नियमओ य दायव्वा ।
गहणं अभिग्गहाण य, पुव्वं गहिए निवेएउ ॥१०४॥ १५०८ आलोयणासुदाणे, लिंगमिणं बिंति मुणियसमयत्था ।
पच्छित्तकरणमुदियं, अकरणयं चेव दोसाणं ॥१०५॥ १५०५ लहुयाल्हाइजणणं, अप्पपरनिवत्ति अज्जवं सोही ।
दुक्करकरणं आणा, निस्सल्लत्तं च सोहिगुणा ॥१०६॥ १६१६ णिच्चं पसंतचित्ता, पसंतवाहियगुणेहिं मज्झत्था ।
नियकुग्गहपडिकूला, पवयणमग्गंमि अणुकूला ॥१०७।। १६१७ इच्चाइगुणसमेया, भवविरहं पाविऊण परमपयं ।
पत्ता अणंतजीवा, तेसिमणुमोयणा मज्झ ॥१०८॥
