________________ सिरिसिरिबालकहा पभणइ पुणाऽवि माया, वच्छय ! अम्हे सहागमिस्सामो। को अम्हं पडिबंधो तुम विणा इत्थ ठाणमि ? // 352 // कुमरो कहेइ अम्मो ! तुम्हेहिं सहागयाहिं सव्वत्थ / न भवामि मुक्कलपओ, ता तुम्हे रहह इत्येव // 353 // मयणा भणेइ सामिअ! तुम्हं अणुगामिणी भविस्सामि / भारंपि हु किपि अहं न करिस्सं देहछायव्य // 354 // कुमरेणुत्तं उत्तमधम्मपरे देवि ! मज्झ वयणेणं / नियसस्स्स स्सूसणपरा तुर्म रहसु इत्येव // 355 // मयणाऽऽह पइपवास सइओ इच्छंति कहवि नो तहवि। तुम्हं आयेसुच्चिय महप्पमाणं परं नाह ! // 356 // अरिहंताऽऽइपयाई खणंपि न मणाउ मिल्हियव्वाई। नियजणणि च सरिज्जसु कइयावि हु मंऽपि नियदासीं // 357 जणणीवि तस्स नाउण निच्छयं तिलयमंगलं काउं / पभणइ तुह सेयत्थं नवपयझाणं करिस्समई // 358 // मयणा भणेइ अहयंपि नाह ! निच्चपि निच्चलमणेणं / कल्लाणकारणाई झाइस्सं ते नवपयाइं // 359 // तेणं मयणावयणामएण सित्तो नमित्तु माइपए / संभासिऊण दइयं सिरिपालो गहिअकरवालो // 360 // निम्मलवारुणमंडलमंडिअससिचारपाणमुपवेसे। तच्चरणपढमकमणं कमेण चल्लेइ गेहाआ. // 361 // जुम्मं //
