________________ 34 सिरिरयणसेहरसूरिहिं संकलिया केणावि कारणेणं, चिंतातुरमत्थि तुह मणं नूगं / जेणं तुह मुहकमल, विच्छायं दीसई वच्छ ! // 342 // कुमरेण भणिअमम्मो ! एएसि मज्झओ न एकंपि / कारणमथिमिम, अन्नं पुण कारणं सुण // 343 // नाहं निअयगुणेहि, न तायनामेण नो तुह गुणेहिं / इह विकखाओ जाओ, अहयं सुमुरस्स नामेणं // 344 // तं पुण अहमाहमत्तकारणं वज्जिअं सुपुरिसेहिं / तत्तुच्चिय मज्झ मणं दूमिज्जइ सुसुरवासे गं // 345 // तो भणि जणणोए, बहुसिन मेलिऊण चउरंगं / गिण्हसु निअपिअरज्ज, मह हिययं कुणसु निस्सल्ल॥३४॥ कुमरेणुत्तं मुसुरयबलेण जं गिण्हणं सरज्जस्स / तं च महच्चिअ दूमइ, मज्झं चित्तं धुवं अम्मो! // 347 // ता जइ सभुयज्जिअ सिरिबलेण गिण्हामि पेइअं रज्ज / ता होइ मज्झ चित्तंमि निव्वुई अन्नहा नेव // 348 // तत्तो गंतूणमहं, कत्थवि देसतरंमि इक्विल्लो / अज्जिअलच्छिवलेणं, लहुं गहिस्सामि पिअरनं // 349 // तं पड़ जंपइ जणणो, बालो सरलोऽसि तं सि मुकुमालो / देसंतरेसु भमणं, विसमं दुक्खावह चेव // 350 // तो कुमरो जणणी पइ, जंपइ मा माइ ! एरिस भणम् / तावञ्चिय विसमत्त, जाव न धीरा पवनंति // 351 //
