________________ . . . .. सिरिसिरिवालका 33 तं पत्थरमितकर हत्यमि पसारिथमि सामति / चरिओ अचिंतिओ च्चिय नूनं चिंतामणी एसो // 332 // जामाइयं च ध्यं आरोविय गयवरंमि नरनाहो / महया महेश गिहमाणिऊण सम्माणइ धणेहिं // 333 // जायं च साहुवायं मयणाए सत्तसीलकलियाए। जिणसासणप्पभावो सयले नयरंमि वित्थरिओ // 334 // अनदिणे सिरिपालो हयगयरहसुहडपरियरसमेओ। चडिओ रायवाडीए पच्चक्खो सुरकुमारुव्व // 335 // लोए अ सप्पमोए पिक्खते चडिअ चंदसालाखें / गामिल्लएण केणवि नागरिओ पुच्छिओ कोवि // 336 भो भो कहेसु को एस जाइ लीलाइ रायतणउव्व ? / नागरिओ भणइ अहो, नरवरजामाउओ एसो // 337 // तं सोऊण कुमारो सहसा सरताडिओव्व विच्छाओ। जाओ वलिऊण समागओ अगेहमि सविसाओ॥३३८॥ तं तारिसं च जणणी दट्टण समाकुला भणइ एवं / किं अज्ज वच्छ ! कोबि हु तुह अंगे बाहए वाही ? // 339 // किंवा आखंडलसरिस तुज्झ केणावि खडिया आणा। अहवा अघडंतों वि हु पराभवो केणवि को ते ? // 340 // किंवा कमारयणं, किंपि हु हियए खडुक्कए तुझ / घरणीको अविणओ, सो मयणाएं न संभवइ // 341 //
