________________ 24 सिरिरयणलेहरसूरिहिं संकलिया वंशाणवि डंति सुया, निंदवि नंदणा य नंदति / फिटंति पुट्ठदोसा, दोहग्गं नासह असेसं // 242 // इच्चाइ पहावं निसुणिऊण दळूण तं च पच्चक्खं / लोआ महप्पमोआ संतिजलं लिंति सविसेसं // 243 // तं कुठ्ठिपेयर्ड पि हु तज्जलसंसित्तगत्तमचिरेण / उपसंतप्पायरुअं जायं धम्ममि सरुइ य // 244 // मयणापइणो निरुवमख्वं च निरूविऊण साणंदा। पभणेइ पई सामिअ! एसो सव्वो गुरुपसाओ॥२४५॥ माअपिअसुअसहोअरपमुहावि कुणंति तं न उवयारं। जं निकारणकरुणापरो गुरु कुणइ जीवाणं // 246 // तं जिणधम्मगुरूणं, माहप्पं मुणिय निरुवमं कुमरो। देवे गुरुमि धम्मे, जाओ एगंतभत्तिपरो // 247 // धम्मपसाएणं चिय जह जह माणति तत्थ सुकखाइ / ते दपइउ तह तह धम्ममि समुज्जमा निच्चं // 248 // अह अन्नया उ ते जिणहराउ जा नीहरंति ता पुरओ / पिक्खंति अद्धवुड्ढं एगं नारिं समुहमिति // 249 // तं पणमिऊण कुमरो पभणइ रोमंचकंचुइज्जतो / अहो अणमा वुट्टी संजाया जणणिदंसणओ // 250 // मयणा वि हु पियजणणि नाउं जा नमइ ता भणइ कुमरो। अम्मो ! एस पहावो सब्यो इमिए तुह ण्हुहाए // 25 //
