________________ सिरिसिरिवालकहा मयणाए वयणेणं, सो उंबरराणोपमामि / तीए समं तुरंतो, पत्तो सिरिरिसहभवणंमिः // 172 // आणंदपुलइअंगेहिं तेहिं दोहिवि नमंसिओ सामी। मयणा जिणमयनिउणा, एवं थोउं समाढत्ता // 173 // भत्तिभरनमिरमुरिंदवंद-वंदिअपयपढमजिणंदचंद / चंदूजलकेवलकित्तिपूरपूरियभुवणंतरवेरिसूर // 174 // सूरुव्व हरिअंतमतिमिर देव देवासुरखेयरविहिअसेव / सेवागयगयमयरायपायपायडियपणामह कयपसाय // 17 // सायरसमसमयामयनिवास, वासवगुरुगोयरगुणविकास / कामुज्जलसंजमसीललील, लीलाइविहिअमोहावहील // 176 // हीलापरजंतुसु अकयसाव, सावयजणजणिअआणंदभावः / भावलयअलंकिअरिसहनाह,नाहत्तणु करि हरि दुक्खदाह॥१७७ इअ रिसहजिणेसर भुवणदिणेसर, तिजयविजयसिरिपालपहो! मयणाहिअसामिअसिवगइगामिअ, मणह मणोरह पूरिमहो . // 17 // एवं समाहिलीणा, मयणा जा थुणइ ताव जिणकंग। करठिअफलेण सहिआ उच्छलिआ कुसुमवरमाला // 179 // मयणावयणाओ उंबरेण सहसत्ति तं फलं गहि। मयणाइ सयं माला, गहिया आणंदिअमणाए // 18 // भणिअं च तीइ सामि फिट्टिस्सइ एस तुम्ह तणुरोगो। जेणेसो संजोगो जाओ जिणवरकयपसाओ // 181 // ..
