________________ મેં એ પુસ્તકને આધારભૂત માની આ પુસ્તકની રૂપરેખા તૈયાર કરી. ગૃહલક્ષ્મીને બદલે ગુજરાતીમાં એ જ જાતનું બીજું પુસ્તક હોવાથી “ઘરની લક્ષ્મી” એવું આ પુસ્તકનું નામ આપ્યું. પરંતુ મારે અહીં એટલી ચોખવટ કરવી જોઈએ કે આ “ઘરની લક્ષ્મી” એ ગૃહલક્ષ્મીને અક્ષરશ: અનુવાદ નથી. બંગાળના અને આપણું સમાજ વચ્ચે કુદરતી રીતે જ ઘણો ફેર છે. એમના સામાજિક પ્રશ્નો અને આપણા સામાજિક પ્રશ્નો ભિન્ન ભિન્ન છે. મેં વિષયો જે કે તેના તે જ રાખ્યા છે, પણ એની નિરૂપણ શેલીને તે સ્વતંત્ર જ રહેવા દીધી છે. એકલાં નિબંધોના વાંચનથી કંટાળો આવે તો તે દૂર કરવા ગ્રંથના અંત ભાગમાં મેં કેટલાક કથાનકે ઉતાર્યા છે. જૈન સમાજમાં આ પુસ્તકનો પ્રચાર થવાનું હોવાથી, જૈન કથા અને જૈન ઈતિહાસ તરફ સહેજ વધુ ઝુકાવ થયો હેય તે તે ક્ષેતવ્ય ગણાવું જોઈએ. એકંદરે, કોઈ એક સંપ્રદાયની ગૃહિણી માટે નહીં, પણ વસ્તુત: સમસ્ત નારી-સમાજને ઉદ્દેશીને જ, નારીજીવનના કેટલાક પ્રશ્નો આ પુસ્તકમાં ચર્ચા છે. કોઈ પણ માતા, બહેન કે પુત્રીને આ ગ્રંથની સહાયથી, થે પણ માર્ગદર્શન મળશે તે લેખક અને પ્રકાશકનો શ્રમ સાર્થક થશે. સુશીલ
