________________ >> રસ્તા વ ના આજથી લગભગ બે-એક વરસ ઉપર, શાંતમૂર્તિ-તપસ્વી સન્મિત્ર શ્રી કપૂરવિજયજી મહારાજ સાથે વાર્તાલાપ થતાં એમણે એક સ્ત્રીએપયોગી પુસ્તક લખવાની મને પ્રેરણું કરી. સ્ત્રીઓ અને પુરૂષોનાં આજના નવા યુગમાં, જીવનરંગ કેટલા જોરથી પલટાઈ રહ્યાં છે. પ્રાચીન અને અર્વાચીન આદર્શો વચ્ચે કેવું સંઘર્ષણ જામ્યું છે તે વિષે પણ પ્રસંગોપાત કેટલીક વિચાર-વિષયક આપ-લે થઈ. ગતયુગની નારી અને નવયુગની નારીનાં દષ્ટિકોણની તુલના કરતાં મને લાગ્યું કે મહારાજ સૂચવે છે તેવું સ્ત્રીપયોગી પુસ્તક તૈયાર કરવું એ સામાન્ય વાત નથી. પુસ્તક લખવાનું નકકી થતાં, સૌ પહેલાં, મેં એ વિષય ઉપર લખાએલા હિંદી, બંગાળી, ગુજરાતી કેટલાંક પુસ્તકો વાંચવા માંડયા. " ગૃહલક્ષ્મી” નામનું બંગાળી પુસ્તક, એ સર્વમાં મને અધિક ઉપયોગી લાગ્યું. બંગાળમાં એ પુસ્તકને ખૂબ ખૂબ આદર થયો છે અને થોડા જ વખતમાં એને એટલે બધો પ્રચાર થઈ ચૂકયો છે કે પ્રકાશકે પ્રાયઃ એની ચૌદ-પંદર જેટલી આવૃત્તિઓ બહાર પાડી છે. દેશી ભાષામાં આટલો પ્રચાર અહેભાગ્યની વાત ગણાય.
