Jain Itihasni Zalako

SR No.: 032845
Original Sutra Author: N/A
Author: Chandrashekharvijay
Publisher: Kamal Prakashan Trust
Publication Year: 1980
Total Pages: 210
Language: Gujarati
Classification: Book_Gujarati
File Size: 14 MB

Page 93

જૈન ઇતિહાસની ઝલકો [151] કુમારપાળનો શાસપ્રેમ પરમાકૃત્ કુમારપાળે સાત સો લહિયાઓ બેસાડીને 45 આગમોના અનેક સેટ લખાવ્યા હતા. પંચાંગી સહિત આગમોની સોનાની શાહીથી સાત પ્રતો લખાવી હતી. સિદ્ધહેમ વ્યાકરણ તથા ત્રિષષ્ટિ-શલાકાપુરુષ ચરિત્રની દરેકની 21 પ્રતો લખાવી હતી. [15] સિદ્ધરાજ અને દેવપ્રસાદ કર્ણદેવ સિદ્ધરાજને પોતાના પછી રાજા બનાવવા ઇચ્છતા હતા. પણ તેમને ભય હતો કે તેમનો ભત્રીજો દેવપ્રસાદ તેમાં વાંધો લેશે. આ વાતની દેવપ્રસાદને ખબર પડી. તેણે કર્ણદેવની શંકા નિર્મૂળ કરવા માટે પોતાનો પુત્ર ત્રિભુવનપાળ (કુમારપાળના પિતા) સિદ્ધરાજ અને કર્ણદેવને સોંપી દીધો અને પછી પોતે એકાએક અગ્નિસમાધિ લઈ લીધી. કર્ણ મૃત્યુ પામ્યા ત્યારે સિદ્ધરાજની ઉંમર માત્ર આઠ વર્ષની હતી. આથી રાજમાતા મીનળદેવીએ ઘણાં વર્ષો સુધી રાજનો કારભાર ચલાવ્યો. કલિકાલસર્વજ્ઞ ભગવંતના ઉપદેશથી તેના સમયમાં વર્ષમાં એંસી દિવસ સમગ્ર રાજમાં અમારિકવર્તન જાહેર કરાયું હતું. સિદ્ધરાજને ત્રિભુવનપાળ (કુમારપાળના પિતા) સાથે ગાઢ મૈત્રી હતી. [153] વિમળમંત્રીની પ્રામાણિકતા જ્યારે મન્ઝીશ્વર વિમળે આબુના પહાડ ઉપર જિનાલય બાંધવા માટે બ્રાહ્મણો પાસે જમીન માંગી ત્યારે તેમણે કહ્યું, “જોઈએ તેટલી જમીન એનામહોરો પ્રાથરીને લઈ લો.” સોનામહોરો ગોળ હતી. તે જો પથરાય તો દરેક બે ગોળ સોનામહોરની વચ્ચે થોડી જમીન સોનામહોર વિનાની રહી જાય. અને તે મફતમાં લઈ લીધી કહેવાય. એ વિચારથી વિમળ ગોળ સોનમહોરોને ઓગાળીને ચોરસ પડાવી. અને પછી અડોઅડ સમગ્ર જમીન ઉપર ગોઠવીને જમીનની ખરીદી કરી. એક મહોરના જો 25 રૂ. ગણવામાં આવે તો તે જમીનની કિંમત 4 કરોડ, 53 લાખ, 60 હજાર રૂ. થઈ હતી એમ કહી શકાય. [154] ભીલડિયાજીની આગ અને સોમપ્રભસૂરિની ગીતાર્થતા તપાગચ્છના આચાર્યશ્રી સોમપ્રભસૂરિજી (આચાર્યપદ વિ. સં. ૧૩૩૨)એ જ્ઞાનબળથી જાણ્યું કે નજીકના જ ભાવિમાં ભીલડીયાજી નગરનો નાશ થનાર છે. તે વખતે તેઓ ત્યાં જ ચોમાસું વિતાવતા હતા. તે ચોમાસામાં બે કાર્તિક