________________ લેખકીય) ‘ટપાલ દ્વારા તત્ત્વજ્ઞાન' માસિક માટે મેં આ લેખન તૈયાર કર્યું છે. અનેક સ્થળોથી મને જે મળ્યું છે, તેને સાદી, સીધી ભાષામાં મેં અહીં ટપકાવ્યું છે. આ ઇતિહાસ છે. આમાં ક્યાંય મતાંતરો પણ મળવાના. પણ જો ક્યાંક મારી ખુલ્લી ક્ષતિ જણાય તો વાંચકો જણાવે; જેથી નવી આવૃત્તિમાં તેનું પરિમાર્જન કરી શકાય. જૈન પરંપરાનો ઈતિહાસ તથા દોઘટ્ટી ટીકાયુક્ત ઉપદેશમાળાઆ બે ગ્રન્થોમાંથી ઘણી ઝલકો મેં લીધી છે, એટલે કોઈ ઝલકની તથ્યતા અંગે શંકા પડે તો તે બે ગ્રન્થો જોઈ લેવાની મારી ભલામણ છે. ઝલક સહુના જીવનની રોનક પલટે એ જોવાની મારી એકમેવા અભિલાષા છે. ક્યાંક જિનવચન વિરુદ્ધ લખાયું હોય તો અંત:કરણથી ક્ષમા યાચું છું. વિ. સં. 2036 દ્વિ. જેઠ સુદ ત્રીજ તા. 16-6-1980 લિ. ગુરુપાદપઘરેણુ પં. ચન્દ્રશેખરવિજય 65, રાજગૃહી સોસાયટી, દેવલાલી કેમ્પ, નાસિક (મહારાષ્ટ્ર)
